Երեք ձյուդոիստներ Հայաստանից վաղը կմասնակցեն Եվրոպայի Բաց գավաթին Վարշավայում

Փետրվարի 22-23-ը Լեհաստանի մայրաքաղաք Վարշավայում կանցկացվի ձյուդոյի Եվրոպայի Բաց գավաթը, որին կմասնակցի Հայաստանի հավաքականը։ Սա կլինի հայ ձյուդոիստների առաջին մրցաշարը 2025 թվականին։

Հայաստանի հավաքականի կազմը

• 60 կգ քաշային կարգ: Աշիկ Անդրեյան – առաջին գոտեմարտը Ռոյի Ռոզենի (Իսրայել) դեմ։
• 73 կգ քաշային կարգ: Արտակ Տորոսյան – առաջին գոտեմարտը Արոն Ժաբոյի (Հունգարիա) դեմ։
• 81 կգ քաշային կարգ: Գրիգորի Պասևին – առաջին գոտեմարտը Ժիլարդ Ռադվանսկու (Ռումինիա) դեմ։

24-ամյա Պասևինի համար այս մրցաշարը կլինի առաջինը Հայաստանի հավաքականի կազմում։ Նա Ռուսաստանի սամբոյի երիտասարդական առաջնության չեմպիոն է։

Բացի այդ, Վարշավայում հանդես կգան նաև այլ երկրները ներկայացնող հայ մարզիկներ.

• 60 կգ: Վաչե Ադամյան (Ավստրիա)։
• 66 կգ: Գագիկ Մարտիրոսյան (Ուկրաինա)։
• 66 կգ: Կարո Մարադնյան (Ուկրաինա)։