Ողբերգություն Իսպանիայում․ Դիոգու Ժոտան զոհվել է ավտովթարի ժամանակ

2025 թվականի հուլիսի 3-ին ֆուտբոլային աշխարհը ցնցվեց ողբերգական լուրից․ Պորտուգալիայի հավաքականի և անգլիական «Լիվերպուլի» հարձակվող Դիոգու Ժոտան զոհվել է ավտովթարի ժամանակ Իսպանիայի Սամորա նահանգում։ Ինչպես հաղորդում է Marca-ն, մեքենայում եղել է նաև նրա եղբայրը՝ Անդրե Ժոտան, ով նույնպես մահացել է։

Վթարը տեղի է ունեցել հուլիսի 3-ի առավոտյան՝ A-52 մայրուղու 65-րդ կիլոմետրին՝ Սամորայի Սանաբրիա շրջանի մոտ։ Նախնական տվյալներով՝ եղբայրները նստած են եղել մի մեքենայում, որը հանկարծ դուրս է եկել ճանապարհից և այրվել։ Կրակը արագ տարածվել է, նաև տարածվել մոտակա բուսականության վրա։

Դեպքի ականատեսները անմիջապես կանչել են շտապօգնություն՝ զանգահարելով 112 համարին, սակայն ավտոմեքենայի ուղևորներին փրկել չի հաջողվել։ Երկուսն էլ զոհվել են տեղում։

Դիոգու Ժոտան համարվում էր պորտուգալական ֆուտբոլի նոր սերնդի ամենավառ ներկայացուցիչներից։ 2020 թվականից խաղում էր «Լիվերպուլում», որտեղ անցկացրել էր ավելի քան 120 հանդիպում և խփել գրեթե 50 գոլ։ Ազգային հավաքականում նա նույնպես մեծ ներդրում ուներ՝ գրանցելով 14 գոլ մոտ 50 խաղում։

Մինչ այդ՝ ընդամենը մեկ շաբաթ առաջ Ժոտան նշել էր իր հարսանիքը։ Նրա անձնական երջանկությունը նոր էր սկսվում, սակայն տաղանդավոր մարզիկի կյանքը ցավալիորեն ընդհատվեց։