Թոմաս Ադորյանը մասնակցեց մրցաշրջանի առաջին հանդիպմանը Արգենտինայում

Հայաստանի ազգային հավաքականի կիսապաշտպան Թոմաս Ադորյանը (ազգային հավաքականում՝ 2 խաղ) մեկնարկային կազմում էր «Բանֆիլդի» կազմում Արգենտինայի առաջնության առաջին տուրի խաղում «Ատլետիկո Ուրական»-ի դեմ։

Հանդիպումը կայացավ հունվարի 23-ին և ավարտվեց ոչ-ոքի՝ 1:1 հաշվով։ Հաշիվը բացվեց 48-րդ րոպեին Մաուրո Մենդեսի ջանքերով, սակայն 84-րդ րոպեին Ժորդի Կայսեդոն հավասարեցրեց այն։ Նշենք, որ երկու թիմերն էլ հանդիպումն ավարտեցին տասը խաղացողներով. 57-րդ րոպեին կարմիր քարտ ստացավ «Ուրականի» ֆուտբոլիստը, իսկ 79-րդ րոպեին՝ «Բանֆիլդի» խաղացողը։

24-ամյա Ադորյանը խաղադաշտում անցկացրեց 67 րոպե՝ հանդես գալով կիսապաշտպանության կենտրոնում։

Թոմաս Ադորյանի վիճակագրությունը խաղում

• Խաղաժամանակ՝ 67 րոպե
• Հարվածներ՝ 2
• Կարևոր փոխանցումներ՝ 2
• Կենտրոնացումներ՝ 1 / 5
• Ճշգրիտ փոխանցումներ՝ 10 (77%)
• Վաստակած խախտումներ՝ 3
• Գնդակի կորուստներ՝ 13
• Խլումներ՝ 1
• Գնդակի վերադարձներ՝ 4
• Հաղթած մենամարտեր՝ 4 / 8
• Խախտումներ՝ 1
• SofaScore գնահատական՝ 6.7

Հիշեցնենք, որ մրցաշրջանից առաջ Ադորյանը երկարաձգել էր պայմանագիրը «Բանֆիլդ»-ի հետ։