Տիգրան Բարսեղյանը՝ Հայաստանի հավաքականի նոր ավագ
- Հեղինակ: Vahe Hakobyan
- Sportaran
Այսօրվա՝ Պորտուգալիայի դեմ խաղում Հայաստանի հավաքականը դաշտ դուրս կգա նոր ավագի գլխավորությամբ։ Վարազդատ Հարոյանի միջազգային կարիերայի ավարտից հետո ազգային թիմի գլխավոր մարզիչ Եղիշե Մելիքյանը նշանակեց նոր առաջնորդի։
Մարզչի ընտրությունը անսպասելի էր․ մինչ այս՝ Հարոյանի բացակայության ժամանակ, ավագի թևկապը սովորաբար կրում էր «Կրասնոդարի» կիսապաշտպան Էդուարդ Սպերցյանը։ Սակայն այսուհետ հավաքականի ավագը կլինի բրատիսլավյան «Սլովանի» հարձակվող Տիգրան Բարսեղյանը։
31-ամյա հարձակվողը ներկայիս կազմի ամենափորձառու խաղացողներից է․ նրա հաշվին կա 60 խաղ Հայաստանի ազգային թիմում։ Ավելի շատ հանդիպում անցկացրել է միայն Կամո Հովհաննիսյանը՝ 88 խաղով։ Սակայն հենց Բարսեղյանն է ստացել մարզչական շտաբի վստահությունը։
Ավելի վաղ Եղիշե Մելիքյանը նշել էր, որ ավագի թևկապը հատուկ նշանակություն ունի թիմի մեջ էմոցիաների փոխանցման և մթնոլորտի կառուցման համար։ Նրա խոսքով՝ ավագը պետք է լինի իսկական առաջնորդ բնավորությամբ։
Հայաստան - Պորտուգալիա խաղի մեկնարկային կազմերը
Քննարկեք նորությունները!
Անցնել մեկնաբանություններին ↓
Comments
0