Տիգրան Ավանեսյանը կրկին ամբողջական հանդիպում անցկացրեց «Օրենբուրգի» կազմում ՌՊԼ-ում

Հայաստանի ազգային հավաքականի կիսապաշտպան Տիգրան Ավանեսյանը ամբողջական հանդիպում անցկացրեց «Օրենբուրգի» կազմում Ռուսաստանի Պրեմիեր լիգայի 21-րդ տուրի «Դինամո Մախաչկալա» թիմի դեմ խաղում։

Հայ ֆուտբոլիստը խաղը սկսեց մեկնարկային կազմում և անցկացրեց հանդիպման բոլոր 90+ րոպեները։ Խաղն ավարտվեց մախաչկալացիների նվազագույն հաղթանակով՝ 1:0 հաշվով։ Միակ գոլը 28-րդ րոպեին խփեց Մոհամեդջավադ Հոսեյննեյադը։

Տիգրան Ավանեսյանի վիճակագրությունը խաղում

• Խաղացած րոպեներ՝ 90+
• Ճշգրիտ փոխանցումներ՝ 19 (70%)
• Վաստակած խախտումներ՝ 1
• Գնդակի կորուստներ՝ 9
• Գնդակի հեռացումներ՝ 2
• Գնդակի վերադարձներ՝ 2
• Մենամարտեր՝ 2-ը 5-ից
• Օդային մենամարտեր՝ 2-ը 2-ից
• Խախտումներ՝ 3
• SofaScore գնահատական՝ 6.8

Խաղից առաջ հայտնի դարձավ, որ Ավանեսյանը հրավիրվել է Հայաստանի ազգային հավաքական մարտյան միջազգային հանդիպումների համար։ Թիմը ընկերական խաղեր կանցկացնի ԱՄԷ-ի (մարտի 26) և Բելառուսի (մարտի 29) դեմ։

21 տուրից հետո «Օրենբուրգը» զբաղեցնում է 14-րդ տեղը ՌՊԼ մրցաշարային աղյուսակում։ Հաջորդ հանդիպումը թիմը կանցկացնի մարտի 22-ին Մոսկվայի «Սպարտակի» դեմ, որից հետո Տիգրան Ավանեսյանը կմիանա Հայաստանի ազգային հավաքականին։