Տենիսիստներ Աղայանն ու Ղազարյանը հաղթել են Երևանում անցկացված միջազգային մրցաշարում

Հունիսի 7-ին Երևանում ավարտվեց ITF J30 կարգի պատանեկան միջազգային մրցաշարը՝ Gold's Gym Cup-ը, որտեղ աչքի ընկան Հայաստանի ներկայացուցիչները։

Տղաների զուգախաղում չեմպիոն դարձան Սամվել Աղայանն ու Ավետիք Ղազարյանը։ Եզրափակիչում հայ տենիսիստները 6:4, 6:4 հաշվով հաղթեցին Ռուսաստանը ներկայացնող Դանիիլ Դինիցին և Մաքսիմ Շեպիլովին։

Տղաների մենախաղում հաղթող ճանաչվեց Չեխիայի ներկայացուցիչ Մարեկ Շմեյչկին։

Աղջիկների զուգախաղում անգերազանցելի էին ռուսաստանցի Եկատերինա և Ելենա Ուտկինաները։ Աղջիկների մենախաղում հաղթեց Ռուսաստանը ներկայացնող Ալիսա Գրուշկևիչը։

Մրցաշարին մասնակցել է 81 տենիսիստ 19 երկրից։