Տալալաևը. Ռոնալդուի և Բատրակովի փոխարեն ես կվերցնեի Սպերցյանին

Կալինինգրադի «Բալթիկայի» գլխավոր մարզիչ Անդրեյ Տալալաևը՝ ՌՊԼ-ի 9-րդ տուրում «Զենիթի» (0:0) հետ հանդիպումից հետո, պատասխանեց լրագրողի արտասովոր հարցին։

Ասուլիսի ժամանակ նրան հարցրեցին․ «Քրիշտիանու Ռոնալդուն և Ալեքսանդր Բատրակովը Transfermarkt-ում գնահատվում են 12 միլիոն եվրո։ Ո՞ւմ կգնեիք այդ գումարով»։

Տալալաևը առանց հապաղելու պատասխանեց․
«Ես կգնեի Սպերցյանին»։

Լրագրողները ճշտեցին, որ պետք է ընտրել Ռոնալդուի և Բատրակովի միջև, սակայն մարզիչը կրկին շեշտեց․
«Ես կընտրեի Սպերցյանին, որովհետև նա չեմպիոն թիմի առանցքային խաղացող է և արդեն հասուն ֆուտբոլիստ։ Բատրակովը շատ լավն է, բայց նա դեռ աճում է»։

Նշենք, որ Հայաստանի հավաքականի և «Կրասնոդարի» կիսապաշտպան Էդուարդ Սպերցյանը Transfermarkt-ում գնահատվում է զգալիորեն բարձր՝ 25 միլիոն եվրո։

Հիշեցնենք, որ Անդրեյ Տալալաևը լավ ծանոթ է հայկական ֆուտբոլին․ 2018/19 մրցաշրջանում նա գլխավորել է «Փյունիկը»։