Տակեսյանը խփեց իր առաջին գոլը Հունաստանի Սուպերլիգա 2-ում, Մովսիսյանը՝ գոլային փոխանցում (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
19-ամյա կիսապաշտպան Գարաբետ Տակեսյանը իր առաջին գոլը խփեց Հունաստանի Սուպերլիգա 2-ում։ «Խանիա»-ի դեմ խաղում «Պանաթինաիկոս»-ի և ԱԵԿ-ի սան հանդիսացող ֆուտբոլիստը բացեց հաշիվը, իսկ նրա ներկայիս թիմը՝ «Էգալեոն», վստահ հաղթանակ տարավ՝ 3:1 հաշվով։
Տակեսյանի համար այս հանդիպումը հինգերորդն էր «Էգալեո»-ի կազմում, ուր նա տեղափոխվել էր 2025 թվականի սեպտեմբերին՝ ստորագրելով երկու տարվա պայմանագիր։ Ավելի վաղ կիսապաշտպանը արդյունավետ հանդես էր գալիս «Պանաթինաիկոս» U19 թիմում։
Նշենք, որ «Խանիա»-ի կազմում գոլային փոխանցման հեղինակ դարձավ Էդգար Մովսիսյանը։ 27-ամյա հարձակվողի համար սա առաջին արդյունավետ գործողությունն էր նոր թիմում, որը նա գրանցեց արդեն երկրորդ խաղում տեղափոխությունից հետո։
Քննարկեք նորությունները!
Անցնել մեկնաբանություններին ↓
Comments
0