Ստեփա Մկրտչյանը վերադարձել է մեկնարկային կազմ և օգնեց «Օսիեկին» հաղթանակ տանելու

Հայաստանի հավաքականի պաշտպան Ստեփա Մկրտչյանը վնասվածքից վերականգնվելուց հետո առաջին անգամ անցկացրեց ամբողջական հանդիպում «Օսիեկի» կազմում։ 22-ամյա ֆուտբոլիստը դուրս եկավ հիմնական կազմում և անցկացրեց ամբողջ 90 րոպեն Խորվաթիայի առաջնության 8-րդ տուրի «Գորիցայի» դեմ տնային խաղում։

Հանդիպումը ավարտվեց տանտերերի նվազագույն հաղթանակով՝ 1:0։ Մկրտչյանը վստահ հանդես եկավ պաշտպանությունում և կարևոր ներդրում ունեցավ թիմի «չոր» խաղում։

Հայ պաշտպանի վիճակագրությունը․

• Խաղադաշտում՝ 90+ րոպե
• Ճշգրիտ փոխանցումներ՝ 28 (80%)
• Երկար փոխանցումներ՝ 2/6
• Հաղթած մենամարտեր՝ 3/4
• Օդային պայքար՝ 1/3
• Կորուստներ՝ 7
• Խախտումներ՝ 1
• Իր նկատմամբ խախտումներ՝ 3
• Հեռացումներ՝ 4
• Խլումներ՝ 1
• SofaScore գնահատական՝ 7.0

Այս հաղթանակից հետո «Օսիեկը» հավաքեց 9 միավոր և բարձրացավ մրցաշարային աղյուսակի 6-րդ հորիզոնական։

Մկրտչյանը հաջող սկսել էր մրցաշրջանը՝ առաջին չորս տուրերում խաղալով ամբողջական 90 րոպե, սակայն հետո վնասվածք ստացավ և բաց թողեց 3 խաղ, ինչպես նաև չի մասնակցել Հայաստանի հավաքականի խաղերին ԱԱ-2026-ի ընտրական փուլում Պորտուգալիայի և Իռլանդիայի դեմ։ Բայց հայ պաշտպանը հաջող վերադարձավ վնասվածքից հետո և արդեն կրկին հանդես է գալիս մեկնարկային կազմում։