Ստյոփա Մկրտչյանը երկրորդ հանդիպումն անցկացրեց «Նյուրնբերգի» կազմում

Հայաստանի ազգային հավաքականի պաշտպան Ստյոփա Մկրտչյանը իր երկրորդ խաղում «Նյուրնբերգի» կազմում խաղադաշտ դուրս եկավ Գերմանիայի Երկրորդ Բունդեսլիգայի 25-րդ տուրի հանդիպմանը։

Հայ ֆուտբոլիստի խաղադաշտ դուրս գալը հարկադրական էր․ թիմի ավագ Ֆաբիո Գրուբերը վնասվածք ստացավ, և Մկրտչյանը նրան փոխարինեց արդեն հանդիպման 7-րդ րոպեին։

Դա տեղի ունեցավ «Ֆորտունա Դյուսելդորֆի» դեմ խաղում, որն ավարտվեց «Նյուրնբերգի» պարտությամբ՝ 0:1 հաշվով։

Կարելի է ասել, որ Մկրտչյանը բավական լավ օգտագործեց իր հնարավորությունը և անցկացրեց լավ հանդիպում։ Նա այս ձմռանը տեղափոխվեց «Նյուրնբերգ» և նոր թիմում դեբյուտ արեց արդեն առաջին խաղում՝ «Պադերբորնի» դեմ, քանի որ Լոչոշվիլին որակազրկված էր։ Հաջորդ երեք խաղերում պաշտպանը մնաց պահեստայինների նստարանին։

Մկրտչյանի վիճակագրությունը խաղում

• Խաղացած րոպեներ — 83

• Ճշգրիտ փոխանցումներ — 48 (91%)

• Երկար փոխանցումներ — 4 / 5

• Գնդակի կորուստներ — 7

• Դրիբլինգով առաջխաղացում — 18 մ

• Խլումներ — 1

• Մաքրումներ — 3

• Գնդակի վերադարձ — 6

• Մենամարտեր — 4 / 8

• Օդային մենամարտեր — 5 / 9

• Խախտումներ — 1

• SofaScore գնահատական — 7.3 (թիմում երկրորդ լավագույնը՝ դարպասապահից հետո)

Այսօր Երկրորդ Բունդեսլիգայում խաղաց նաև Գրանտ-Լեոն Ռանոսը։