Ստյոպա Մկրտչյանը շարունակում է տպավորել «Օսիեկում»

Հայաստանի հավաքականի 22-ամյա պաշտպան Ստյոպա Մկրտչյանը երրորդ խաղն անընդմեջ սկսեց Խորվաթիայի «Օսիեկի» մեկնարկային կազմում։ Խորվաթիայի առաջնության երրորդ տուրում «Վարաժդինի» դեմ հանդիպմանը նա խաղադաշտում անցկացրեց ամբողջ 90 րոպեն, իսկ խաղը ավարտվեց գոլազուրկ ոչ ոքիով։

«Օսիեկը» վստահ է գործում պաշտպանությունում մրցաշրջանի սկզբում․ թիմը միայն երկու գոլ է բաց թողել՝ «Դինամո Զագրեբի» հետ խաղում։ «Ռիյեկայի» և «Վարաժդինի» դեմ խաղերում դարպասները մնացին անառիկ, և այդ հարցում մեծ վաստակ ունի Մկրտչյանը։

Ստյոպա Մկրտչյանի վիճակագրությունը «Վարաժդինի» դեմ․

• Խաղաժամանակ․ 90+

• Գնդակի հեռացումներ․ 5

• Հաղթած գլխային մենամարտեր․ 2/2

• Կորուստներ․ 9

• Ճշգրիտ փոխանցումներ․ 58 (87%)

• Երկար փոխանցումներ․ 5/11

• SofaScore գնահատական․ 7.4

Հայ ֆուտբոլիստը աստիճանաբար ամրապնդվում է «Օսիեկի» կազմում և դառնում է թիմի պաշտպանական առանցքային խաղացողներից մեկը։