Սթեֆան Սողոմոնյանը կրկին ճանաչվել է ԱՄՆ համալսարանական լիգայի շաբաթվա լավագույն խաղացողը

20-ամյա հայ հարձակվող Սթեֆան Սողոմոնյանը, որը հանդես է գալիս Հարավային մեթոդիստական համալսարանի (SMU Mustangs) թիմում, երկրորդ անգամ այս մրցաշրջանում ճանաչվել է ԱՄՆ համալսարանական լիգայի շաբաթվա լավագույն խաղացող։ Նա նաև արժանացել է Ատլանտյան կոնֆերենցիայի (ACC) կողմից տրվող շաբաթվա լավագույն հարձակվող կոչմանը։

Սողոմոնյանը փայլուն մարզավիճակ է ցուցադրել՝ վերջին 4 խաղում խփելով 8 գոլ։ Անցած շաբաթ նա դարձավ SMU-ի երկու հաղթանակների գլխավոր հերոսը՝ 3։2 հաշվով հաղթանակ Boston College-ի նկատմամբ և 2։0 հաղթանակ Central Arkansas-ի նկատմամբ։ Երկրորդ խաղում հայ հարձակվողը դուրս եկավ փոխարինման և խփեց դուբլ, ապա հաջորդ խաղում ձևակերպեց հեթ-տրիկ՝ բերելով իր թիմին երեք կարևոր միավոր։

Նշանակալից է, որ շաբաթվա ընթացքում SMU-ի բոլոր հինգ գոլերը խփել է հենց Սողոմոնյանը։ Ընդհանուր առմամբ վերջին չորս խաղերում թիմը խփել է 9 գոլ, որոնցից 8-ը Սողոմոնյանինն են։

TopDrawerSoccer պարբերականը Սողոմոնյանին ճանաչել է ԱՄՆ-ի մակարդակով շաբաթվա խաղացող, իսկ ACC-ն արդեն երկրորդ անգամ երեք շաբաթվա ընթացքում նրան ընտրել է որպես շաբաթվա լավագույն հարձակվող։

Ավելի վաղ՝ հոկտեմբերին, Սողոմոնյանը ևս մեկ անգամ արժանացել էր նույն կոչմանը՝ ամրապնդելով իր հեղինակությունը որպես ԱՄՆ համալսարանական ֆուտբոլի ամենաարդյունավետ և տպավորիչ խաղացողներից մեկը։

Մինչև SMU-ին միանալը Սողոմոնյանը հանդես է եկել Գերմանիայի Ֆորտունա Դյուսելդորֆ և Ունտերրատ ակումբների երիտասարդական թիմերում։ Այս մրցաշրջանում նա անցկացրել է 13 հանդիպում և խփել 9 գոլ։

Դիտեք Սողոմոնյանի վերջին 4 խաղերի 8 գոլերը․