Եվրո-2026-ին հրավիրված Հայաստանի ֆուտզալի հավաքականի խաղացողների վիճակագրությունը ընթացիկ մրցաշրջանում

Հայաստանի ֆուտզալի ազգային հավաքականի մարզչական շտաբը հաստատել է Եվրո-2026 առաջնությանը մասնակցող կազմը։ Ընթացիկ մրցաշրջանի վիճակագրական տվյալների հիման վրա կարելի է առանձնացնել թիմի տարիքային պատկերը, ինչպես նաև լեգեոներների և ներքին առաջնությունում հանդես եկող խաղացողների արդյունավետության առաջատարներին։

Հավաքականի տարիքային ցուցանիշները

Ազգային հավաքական հրավիրված ֆուտզալիստների միջին տարիքը կազմում է 28,67 տարի, ինչը վկայում է փորձի և երիտասարդության հավասարակշռության մասին։

Հավաքականի ամենաերիտասարդ խաղացողը Նիժնի Նովգորոդի «Տորպեդո» ակումբի հարձակվող Արսեն Պետրոսովն է (19 տարեկան, 7 ամիս և 14 օր)։

Ամենատարեց խաղացողը Հայաստանի հավաքականի երկարամյա ավագը, ներկայումս «Սիևնա» ակումբի ավագ Գարեգին Մաշումյանն է (36 տարեկան, 3 ամիս և 18 օր)։

Լեգեոներների առաջատարները

Օտարերկրյա ակումբներում հանդես եկող խաղացողների շրջանում հատկապես աչքի է ընկնում Դենիս Նեվեդրովը, որը ընթացիկ մրցաշրջանում ցուցադրում է բարձր արդյունավետություն։

• Մրցաշրջանի լավագույն ռմբարկու (ընդհանուր) — Դենիս Նեվեդրով (21 գոլ)

• Մեկ խաղում միջին գոլերի քանակով լավագույնը — Արսեն Պետրոսով (0,83 գոլ մեկ խաղում)

• Մրցաշրջանի լավագույն ասիստենտ — Դենիս Նեվեդրով (13 գոլային փոխանցում, 0,42 ասիստ մեկ խաղում)

Հայաստանի առաջնության առաջատարները

Ազգային առաջնությունում մրցաշրջանի գլխավոր բացահայտումը դարձել է 19-ամյա Աղասի Եղիազարյանը։ Երիտասարդ ֆուտզալիստը Հայաստանի առաջնության լավագույն խաղացողն է թե՛ խփած գոլերի, թե՛ գոլային փոխանցումների ցուցանիշներով։

Նրա հաշվին է՝

• 19 գոլ

• 21 ասիստ

Բացի այդ, Եղիազարյանը վերջերս Հայաստանի հավաքականի Լիբանանի դեմ ընկերական խաղում գոլային փոխանցում է կատարել Համլետ Մանուկյանին։

Չպետք է զարմանալ Հայաստանի առաջնությունում հանդես եկող խաղացողների բարձր վիճակագրական ցուցանիշներին․ 3–4 ակնհայտորեն թույլ թիմերի առկայությունը մրցաշարի առաջատարներին հնարավորություն է տալիս կանոնավոր կերպով մեծ թվով գոլեր և ասիստներ գրանցել։

Հիշեցնենք, որ Հայաստանի ֆուտզալի հավաքականը Եվրո-2026-ում հանդես կգա B խմբում, որտեղ նրա մրցակիցներն են Ուկրաինան, Լիտվան և Չեխիան։