Մեկնարկում է Իվան Յարիգինի գավաթ–2026-ը, կայացել է վիճակահանությունը

Հունվարի 29-ին Կրասնոյարսկում մեկնարկում է Իվան Յարիգինի գավաթ–2026 միջազգային մրցաշարը՝ աշխարհի ամենահեղինակավոր ազատ ոճի ըմբշամարտի մրցումներից մեկը։ Ավանդաբար մրցաշարը համախմբում է մոլորակի ուժեղագույն մարզիկներին, իսկ այս տարի այն ունի նաև հատուկ կարգավիճակ՝ հանդիսանալով ընտրական մեկնարկ Ռուսաստանի ըմբիշների համար Եվրոպայի առաջնություն–2026-ին։

Մրցաշարի նախօրեին կայացել է պաշտոնական վիճակահանությունը։ Մրցումներին կմասնակցեն 20 երկրների մարզիկներ՝ Ռուսաստանից, Բելառուսից, Տաջիկստանից, ԿԺԴՀ-ից, Մոնղոլիայից, Հարավային Կորեայից, Կուբայից, Թուրքիայից, Ղազախստանից, Եգիպտոսից, Ադրբեջանից, Չինաստանից, Վրաստանից, Ղրղզստանից, Հյուսիսային Մակեդոնիայից, Թուրքմենստանից, Բուլղարիայից, Հունաստանից, Ուզբեկստանից և Հնդկաստանից։

Հայաստանի հավաքականն այս տարի չի մասնակցում, սակայն հայտերում ընդգրկված են մի քանի հայազգի ըմբիշներ։ Նրանց թվում են՝ մինչև 23 տարեկանների աշխարհի չեմպիոն Ռուսաստանի հավաքականի կազմում Արսեն Բալայանը (86 կգ, Կալինինգրադ), Յուրա Հայրապետյանը (70 կգ, Կրասնոդար), Մուրադյանը (92 կգ), ինչպես նաև Մահմուդյանը (68 կգ, կանանց ըմբշամարտ)։

Ազատ ոճի ըմբշամարտի մասնակիցների կազմը ավանդաբար աստղային է։ Գորգ կելնեն օլիմպիական չեմպիոն Զաուրբեկ Սիդակովը և Օլիմպիական խաղերի մրցանակակիր Արթուր Նայֆոնովը։ Բացի այդ, հայտավորված են աշխարհի հինգ չեմպիոններ՝ Սիդակովից բացի նաև Աբասգաջի Մագոմեդովը, Դավիդ Բաևը, Ահմեդ Ուսմանովը և ԿԺԴՀ ներկայացուցիչ Չոն Սուն Հանը։

Մրցումները մեկնարկում են արդեն վաղը՝ հունվարի 29-ին, Մոսկվայի ժամանակով 7:00-ին։ Առաջինը պայքարի դուրս կգան մինչև 57, 61 և 70 կգ քաշային կարգերի ըմբիշները, ինչպես նաև կանայք՝ մինչև 50, 55, 59 և 65 կգ կարգերում։

Վիճակահանության ցանցերը կարելի է ներբեռնել «ԱՅՍ ՀՂՈՒՄՈՎ» կամ դիտել Wrestrus.ru կայքում։

Մրցաշարի ուղիղ հեռարձակումները հասանելի են Wrestling.tv. հարթակում։

Յարիգինի գավաթը ավանդաբար բացում է մեծ միջազգային սպորտի մրցաշրջանը և տոն է սահմանում ամբողջ ըմբշամարտային տարվա համար։