Սկսվել է «Հանրային համակրանքի մրցանակի» քվեարկությունը «Սպորտի լավագույնները – 2025» մրցանակաբաշխության շրջանակում
- Հեղինակ: Vahe Hakobyan
- Sportaran
Հայաստանի Հանրապետության կրթության, գիտության, մշակույթի և սպորտի նախարարությունը հայտարարել է «Հանրային համակրանքի մրցանակի» քվեարկության մեկնարկի մասին՝ ամենամյա «Սպորտի լավագույնները – 2025» մրցանակաբաշխության շրջանակում։
Սպորտի երկրպագուներն ու սիրահարները կարող են աջակցել իրենց ֆավորիտներին՝ քվեարկելով առաջադրված թեկնածուներից մեկի օգտին։ Թեկնածուները Հայաստանի առաջատար մարզիկներն են, որոնք ներկայացնում են տարբեր մարզաձևեր և 2025 թվականին գրանցել են բարձր արդյունքներ։ Թեկնածուների թվում են մեկ ֆուտբոլիստ՝ Էդուարդ Սպերցյանը, մեկ ըմբիշ՝ Արսեն Հարությունյանը, թենիսիստուհի Էլինա Ավանեսյանը, ինչպես նաև 4 ծանրորդ, երեք մարմնամարզիկ, հրաձիգ և կարատեիստ։
«Հանրային համակրանքի մրցանակի» թեկնածուները՝
Արսեն Հարությունյան (ազատ ոճի ըմբշամարտ)
Էդուարդ Սպերցյան (ֆուտբոլ)
Ալեքսանդրա Գրիգորյան (ծանրամարտ)
Գարիկ Կարապետյան (ծանրամարտ)
Էմմա Պողոսյան (ծանրամարտ)
Գոռ Սահակյան (ծանրամարտ)
Արթուր Դավթյան (սպորտային մարմնամարզություն)
Համլետ Մանուկյան (սպորտային մարմնամարզություն)
Մամիկոն Խաչատրյան (սպորտային մարմնամարզություն)
Սուրեն Հարությունյան (կարատե)
Էլմիրա Կարապետյան (հրաձգություն)
Էլինա Ավանեսյան (թենիս)
Քվեարկությանը կարելի է մասնակցել ՀՂՄԱՆՈՒՄ։ Քվեարկության արդյունքները և «Հանրային համակրանքի մրցանակի» դափնեկրի անունը կհայտարարվեն դեկտեմբերի 25-ին։
Հիշեցնենք, որ «Սպորտի լավագույնները – 2025» մրցանակաբաշխության շրջանակում կան նաև այլ անվանակարգեր, որտեղ հաղթողներին կընտրեն փորձագետներն ու լրագրողները։
Հայաստանում հայտարարվել են «Սպորտի լավագույնները – 2025» մրցանակաբաշխության թեկնածուները։
Քննարկեք նորությունները!
Անցնել մեկնաբանություններին ↓
Comments
1