Հայտնի է դարձել «Ոսկե դուբլ» ֆիլմի թողարկման օրը՝ լեգենդար «Արարատ-73»-ի մասին
- Հեղինակ: Vahe Hakobyan
- Sportaran
Լեգենդար «Արարատ-73» ֆուտբոլային ակումբին նվիրված պատմական մարզական դրաման՝ «Ոսկե դուբլ»-ը, մեծ էկրաններ կբարձրանա հունվարի 29-ին։ Ֆիլմի ցուցադրությունները տեղի կունենան Ռուսաստանի և Հայաստանի կինոթատրոններում։
Ֆիլմը խոստանում է դառնալ ոչ միայն մարզական դրամա, այլև հարգանքի տուրք մեծ թիմին և այն մարդկանց, ովքեր հավերժ իրենց անունը գրեցին հայկական և խորհրդային ֆուտբոլի պատմության մեջ։
«Ոսկե դուբլ» / «ԱՐԱՐԱՏ 73» ֆիլմը նվիրված է Նիկիտա Պավլովիչ Սիմոնյանի հիշատակին՝ մեծ ֆուտբոլիստի, ԽՍՀՄ սպորտի վաստակավոր վարպետի և մարզչի։ Սյուժեի կենտրոնում խորհրդային ֆուտբոլի ոսկե էջն է՝ 1973 թվականի մրցաշրջանը, երբ Երևանի «Արարատը» Սիմոնյանի գլխավորությամբ հասավ իր պատմության ամենամեծ հաջողությանը՝ ձևակերպելով «ոսկե դուբլ» և հաղթելով ԽՍՀՄ առաջնությունն ու գավաթը։
Ֆիլմում Նիկիտա Սիմոնյանի դերը մարմնավորել է հայտնի ռուս դերասան Եգոր Բերովը։ Ֆիլմի ռեժիսորներն են Մհեր Մկրտչյանը և Ֆյոդոր Լյասսը։
Նկարահանումներին մասնակցել է նաև Հայաստանի ազգային հավաքականի նախկին ֆուտբոլիստ Դավիթ Մանոյանը, ով մարմնավորել է «Արարատի» պաշտպան Ալեքսանդր Կովալենկոյի կերպարը։
Քննարկեք նորությունները!
Անցնել մեկնաբանություններին ↓
Comments
0