2026 թվականի աշխարհի առաջնության (D4 դիվիզիոն) անցկացման ձևաչափը Քուվեյթում հայտնի է դարձել։

Կազմակերպիչները հաստատել են մրցաշարի նոր ձևաչափ, որը կկիրառվի արդեն առաջիկա 2026 թվականի հոկեյի աշխարհի առաջնությունում, որը կանցկացվի Քուվեյթում։ D4 դիվիզիոնի հավաքականները բաժանվել են երկու խմբի՝ երեքական թիմերով։

A խումբ
Ինդոնեզիա
Սինգապուր
Իրան

B խումբ
Հայաստան
Քուվեյթ
Մալայզիա

Խմբային փուլում A խմբի թիմերը յուրաքանչյուրն անցկացնելու են մեկական խաղ B խմբի մրցակիցների հետ։ Այս հանդիպումների արդյունքում յուրաքանչյուր խմբից երկու լավագույն թիմերը դուրս կգան փլեյ-օֆֆ։

Խմբերում վերջին տեղերը զբաղեցրած թիմերը կխաղան երկու հանդիպումից բաղկացած մխիթարական փուլ՝ հինգերորդ տեղի համար։

Այսպիսով, Հայաստանի և Քուվեյթի հավաքականները միմյանց կարող են հանդիպել միայն փլեյ-օֆֆում։

Ավելի վաղ հաղորդվել էր, որ նոր ձևաչափը նախատեսվում էր ներդնել 2027 թվականից, սակայն որոշվել է այն կիրառել արդեն առաջիկա D2A և D4 դիվիզիոնների մրցաշարերում։

Հիշեցնենք, որ 2025 թվականի հոկեյի աշխարհի առաջնությունը՝ 4-րդ դիվիզիոնում, անցկացվել էր Հայաստանում։