Սպերցյանը Սաութհեմփթոն տեղափոխվելու մասին. «Դեռ վաղ է դրա մասին խոսել»

«Կրասնոդարի» ավագ Էդուարդ Սպերցյանը հաղթական խաղից հետո «Սոչիի» դեմ պատասխանեց լրագրողների հարցերին և մեկնաբանեց խոսակցությունները անգլիական «Սաութհեմփթոնի» հետ բանակցությունների մասին։

Այս հանդիպմանը Սպերցյանը ճանաչվեց լավագույն խաղացող․ նա դուբլ ձևակերպեց և գոլային փոխանցում կատարեց, իսկ «Կրասնոդարը» մրցակցին ջախջախեց 5:1 հաշվով։

Սպերցյանի հետխաղային հարցազրույցը (ՌԲ Սպորտ).
— Տրանսֆերային լուրերը ազդո՞ւմ են քո խաղի վրա։
— Ոչ, չեն ազդում։ Իմ գործն է՝ խաղալ ֆուտբոլ և օգնել թիմին արդյունքի հասնել։

— Դուք անձնական զրույց ունեցաք ակումբի նախագահ Սերգեյ Գալիցկու հետ։ Ի՞նչի մասին էր։
— Դա իմ անձնական զրույցն է նախագահի հետ, այն կմնա մեր միջև։

— Ի՞նչ կասեք «Սաութհեմփթոնի» հետաքրքրության մասին։
— Այո, բոլորը արդեն գիտեն, հետաքրքրություն իսկապես եղել է։ Բանակցությունների մասին ոչինչ չեմ կարող ասել՝ դրանով ակումբն է զբաղվում։

— Սա ձեր վերջին խաղն էր «Կրասնոդարի» կազմում՞։
— Էհ, մի′ շտապեք, մի′ լարվածություն ստեղծեք։ Դեռ վաղ է այդ մասին խոսելը։ Եկեք թողնենք այդ թեման։

— Դուք անձամբ շփո՞ւմ եք ունեցել «Սաութհեմփթոնի» հետ։
— Անձամբ՝ ոչ։ Դրանով պետք է զբաղվի գործակալը։

— Գաետան Պերենը կարո՞ղ է դառնալ ձեր փոխարինողը։
— Նա շատ լավ ֆուտբոլիստ է, բայց դա ակումբը պետք է որոշի, ոչ թե ես։

Հիշեցնենք, վերջերս հայտնի դարձավ, որ Անգլիայի Չեմփիոնշիփի «Սաութհեմփթոնը» առաջարկ է արել Սպերցյանին գնելու համար, իսկ «սրբերի» գլխավոր մարզիչ Ուիլ Ստիլը նշել է, որ «Կրասնոդարի» և Հայաստանի հավաքականի ավագը գտնվում է թիմի հետաքրքրությունների շրջանակում։