Սպերցյանը չի տեղափոխվի «Սաութհեմփթոն». որոշումը կայացրել է ինքը՝ ֆուտբոլիստը

«Կրասնոդարի» ավագ և կիսապաշտպան Էդուարդ Սպերցյանը որոշել է չանցնել անգլիական «Սաութհեմփթոն»։ Ինչպես հայտնում է Чемпионат-ը, հնարավոր տրանսֆերի վերաբերյալ վերջնական որոշումը կայացրել է հենց ֆուտբոլիստը, և նրա ու ակումբի միջև որևէ հակասություն չի եղել։

Աղբյուրների տեղեկություններով՝ «Կրասնոդարը» պատրաստ էր քննարկել «Սաութհեմփթոնի» առաջարկը, սակայն գործարքը կախված էր բացառապես խաղացողի ցանկությունից։ Ակումբի ղեկավարության հետ քննարկումների ընթացքում Սպերցյանը հայտնել է, որ ցանկանում է սպասել Եվրոպայից այլ առաջարկների։

Այսպիսով, ֆուտբոլիստի և ակումբի միջև հակամարտության մասին տարբերակները, ինչպես նաև անգլիական ակումբի ֆինանսական երաշխիքների հետ կապված խոսակցությունները, իրականությանը չեն համապատասխանում։

Այնուամենայնիվ, այսօր հայտնի դարձավ, որ «Սաութհեմփթոնը» բարելավել է իր առաջարկը՝ այն հասցնելով 18 մլն եվրոյի + բոնուսների, այս մասին տեղեկացնում է ինսայդեր Իվան Կարպովը։ Ուստի դեռ վաղ է վերջնական հետևություններ անել։

Հիշեցնենք, որ ավելի վաղ հայ ֆուտբոլիստի գործակալը նշել էր, որ տրանսֆերի հավանականությունը «Սաութհեմփթոն» կազմում գնահատում է 50/50։