Սպերցյանը և Մխիթարյանը՝ աշխարհի ամենաազդեցիկ ֆուտբոլիստների թվում ըստ CIES-ի

CIES Football Observatory-ն հրապարակել է 2024/25 մրցաշրջանի աշխարհի 300 ամենաազդեցիկ ֆուտբոլիստների ցուցակը, որը կազմվել է աշխարհի 60 լիգաներից ստացված տվյալների հիման վրա։ Ամեն դիրքի համար ընտրվել է 50 լավագույն խաղացող, և նրանց թվում են նաև երկու հայ ֆուտբոլիստներ՝ Էդուարդ Սպերցյանը և Հենրիխ Մխիթարյանը։

Ինչպես է կազմվել այս վարկանիշը?

Հետազոտությունն հիմնված է հատուկ ինդեքսի վրա, որը հաշվարկվել է ֆուտբոլային արդյունավետության վեց հիմնական բաղադրիչների հիման վրա․

• AER (մենամարտ օդում) — գլխով պայքար

• DFS (գետնային պաշտպանություն) — պաշտպանություն գետնին

• DIS (փոխանցումների ճշգրտություն) — փոխանցումներ

• TAK (դրիբլինգ) — անցում

• CCR (վտանգավոր պահերի ստեղծում) — գոլային պահերի ստեղծում

• FIN (հարվածի ավարտ) — գրոհների եզրափակում

Նշանակություն են ունեցել նաև խաղաժամանակը և թիմի հաջողությունը ազգային առաջնությունում։

Էդուարդ Սպերցյանը՝ աշխարհի լավագույն հարձակվողական կիսապաշտպանների շարքում

«Կրասնոդարի» ավագ Էդուարդ Սպերցյանը այս մրցաշրջանում դարձավ Ռուսաստանի չեմպիոն և հարձակվողական կիսապաշտպանների մեջ զբաղեցրեց 27-րդ տեղը՝ 80.1 ինդեքսով։ Դա ՌՊԼ-ի լավագույն արդյունքն է։ Ռուսական ակումբներից լավագույն 50-ում են նաև Ալեքսեյ Բատրակովը (77.8) և Բիտելոն (77.8)։

Սպերցյանը վարկանիշով գերազանցել է Ջուլիան Բրանդտին (Բորուսիա Դորտմունդ), Միկել Մերինոյին (Արսենալ), Դանի Օլմոյին (Բարսելոնա) և տեղ է գրավել Դե Բրոյնեի, Բրունո Ֆերնանդեշի և Ռաբյոյի ետևում։

2024/25 մրցաշրջանում 24-ամյա Սպերցյանը մասնակցել է 28 հանդիպման, խփել է 11 գոլ և կատարել 6 գոլային փոխանցում։ Նա հատկապես աչքի է ընկել CCR (վտանգավոր պահերի ստեղծում), FIN (գոլային հարված) և TAK (անցում) կատեգորիաներում։

Սա հերթական միջազգային ճանաչումն է Սպերցյանի համար, որը հաստատում է նրա կայուն աճը և հեղինակությունը։ Նա վաղուց է դարձել «Կրասնոդարի» առանցքային խաղացողը և շարունակում է իր անունը բարձր պահել միջազգային հարթակում՝ թեկուզ ոչ լավագույն 5 լիգաներում։

Հարձակվողական կիսապաշտպանների լավագույն եռյակը ըստ CIES-ի.

1. Ֆլորիան Վիրտց (Բայեր Լևերկուզեն) — 93.6

2. Քոուլ Փալմեր (Չելսի) — 92.4

3. Ջուդ Բելինգհեմ (Ռեալ Մադրիդ) — 90.0

Հենրիխ Մխիթարյանը՝ կենտրոնական կիսապաշտպանների էլիտայում

Հայկական ֆուտբոլի լեգենդը և «Ինտերի» կիսապաշտպան Հենրիխ Մխիթարյանը կենտրոնական կիսապաշտպանների շարքում զբաղեցրել է բարձր՝ 11-րդ հորիզոնականը՝ 88.0 ինդեքսով։ Նույն արդյունքն է ցույց տվել նրա թիմակից Նիկոլո Բարելան, իսկ մեկ այլ «Ինտերի» կիսապաշտպան՝ Հական Չալհանօղլուն, զբաղեցրել է 21-րդ տեղը (83.5)։

Մխիթարյանը դարձել է ցուցակի երկրորդ ամենատարեց ֆուտբոլիստը՝ 39-ամյա Լուկա Մոդրիչից հետո, որը գրավել է 16-րդ հորիզոնականը։

Մխիթարյանը Սերիա Ա-ում անցկացրել է 32 հանդիպում, խփել է 1 գոլ և կատարել 5 գոլային փոխանցում։ Նրա հիմնական ուժեղ կողմերը DIS (փոխանցումներ) և DFS (պաշտպանություն) կատեգորիաներում են, որոնց շնորհիվ նա շարունակում է ապահովել կենտրոնի հուսալի վերահսկումը։

Չնայած տարիքին՝ 36-ամյա Մխիթարյանը շարունակում է մնալ թիմի առանցքային անդամներից մեկը և ցուցադրել բարձրակարգ խաղ։ Երեք օր անց նա երկրորդ անգամ դուրս կգա Չեմպիոնների Լիգայի եզրափակիչ՝ «Ինտերի» կազմում։

Կենտրոնական կիսապաշտպանների լավագույն եռյակը.

1. Պեդրի (Բարսելոնա) — 98.7

2. Ջոշուա Կիմիխ (Բավարիա) — 96.2

3. Գրանիտ Ջակա (Բայեր Լևերկուզեն) — 94.1

2024/25 մրցաշրջանի լավագույն ֆուտբոլիստները ըստ դիրքերի

Կենտրոնական պաշտպաններ.

• Վիրջիլ վան Դեյք (Լիվերպուլ) — 89.4

• Օրլիեն Չուամենի (Ռեալ Մադրիդ) — 87.6

• Ուիլյամ Սալիբա (Արսենալ) — 86.9

Ֆլանգային պաշտպաններ.

• Տրենտ Ալեքսանդր-Արնոլդ (Լիվերպուլ) — 92.6

• Յոշկո Գվարդիոլ (Մանչեսթեր Սիթի) — 90.2

• Ալեքս Գրիմալդո (Բայեր Լևերկուզեն) — 88.4

Վինգերներ.

• Մոհամեդ Սալահ (Լիվերպուլ) — 100.0

• Լամին Յամալ (Բարսելոնա) — 99.6

• Մայքլ Օլիսե (Բավարիա) — 98.1

Ֆորվարդներ.

• Կիլիան Մբապպե (Ռեալ Մադրիդ) — 92.3

• Վիկտոր Գյոկերեշ (Սպորտինգ) — 89.2

• Հարի Քեյն (Բավարիա) — 89.0