Սպարտակ Միքայելյանը ճանաչվել է 2025 թվականի լավագույն սիրողական MMA մարզիկ
- Հեղինակ: Vahe Hakobyan
- Sportaran
Հայաստանցի մարտիկ Սպարտակ Միքայելյանը դարձել է IMMAF հեղինակավոր մրցանակի դափնեկիր՝ ճանաչվելով 2025 թվականի լավագույն սիրողական MMA մարզիկ։ Քվեարկության ընթացքում 21-ամյա մարզիկը առաջ է անցել այնպիսի մրցակիցներից, ինչպիսիք են Գաջի Գաջիևը (Բահրեյն), Վինսենթ Վերլին (Շվեյցարիա) և Գիմբատ Մագոմեդովը (Բահրեյն)։
Անցած տարին իսկապես պատմական էր Միքայելյանի համար։ Նա նվաճեց ոսկե մեդալը 2025 թվականի IMMAF հովանու ներքո անցկացված MMA աշխարհի առաջնությունում՝ Հայաստանի համար ապահովելով առաջին հաղթանակը մեծահասակների սիրողական աշխարհի առաջնություններում։ Այս հաջողությունը դարձավ նրա միջազգային ասպարեզում արագ առաջընթացի տրամաբանական շարունակությունը։
Ավելի վաղ Սպարտակ Միքայելյանը դարձել էր նաև երիտասարդների աշխարհի չեմպիոն, ինչը ևս մեկ անգամ հաստատեց նրա կարգավիճակը՝ որպես հայկական MMA նոր սերնդի ամենահեռանկարային ներկայացուցիչներից մեկը։
Նշենք, որ Sportaran-ին տված բացառիկ հարցազրույցում մարզիկը հայտնել է, որ 2026 թվականից ծրագրում է սկսել ելույթները պրոֆեսիոնալ MMA-ում՝ բացելով իր մարզական կարիերայի նոր փուլը։
Քննարկեք նորությունները!
Անցնել մեկնաբանություններին ↓
Comments
0