Սպարտակ Միքայելյանը՝ մեծահասակների ՄՄԱ աշխարհի չեմպիոն
- Հեղինակ: Vahe Hakobyan
- Sportaran
Հայ մարզիկ Սպարտակ Միքայելյանը (մինչև 74,8 կգ քաշային կարգ) ոսկե մեդալ է նվաճել 2025թ․ ՄՄԱ աշխարհի առաջնությունում (IMMAF), որը կայացավ Թբիլիսիում։
Վճռական մենամարտում 21-ամյա մարզիկը տպավորիչ հաղթանակ տարավ Նիգերիայի ներկայացուցիչ Բենջամին Էդոզիի նկատմամբ՝ պայքարը ավարտելով խեղդող հնարքով։
Չեմպիոնական տիտղոսին հասնելու ճանապարհին Միքայելյանը անցկացրեց հինգ մենամարտ և բոլորում էլ հաղթեց․ երկու անգամ խեղդող հնարքով, մեկ անգամ՝ նոկաուտով և երկու անգամ՝ մրցավարների որոշմամբ։ Նրա մրցակիցներն էին մարզիկներ Չեխիայից, Նիգերիայից, Դանիայից, Ղազախստանից և Իռլանդիայից։
Ավելի վաղ Սպարտակ Միքայելյանը արդեն դարձել էր աշխարհի երիտասարդական չեմպիոն, իսկ այժմ հաստատեց իր դասը նաև մեծահասակների մակարդակում։
Հայաստանը մրցաշարը ավարտեց երկու մեդալով․ մինչ այդ բրոնզ էր նվաճել Արթուր Ասոյանը։
Քննարկեք նորությունները!
Անցնել մեկնաբանություններին ↓
Comments
0