Կայացել է Հայաստանի հունահռոմեական ըմբշամարտի առաջնության վիճակահանությունը

Դեկտեմբերի 21-ին կայացել է 2025 թվականի Հայաստանի հունահռոմեական ըմբամարտի առաջնության վիճակահանությունը, որը կանցկացվի դեկտեմբերի 22-ից 24-ը։

Մրցումները կմեկնարկեն դեկտեմբերի 22-ին՝ Երևանի ժամանակով ժամը 11:00-ին։ Մրցաշարը կարևոր ընտրական փուլ է, որի արդյունքներով կձևավորվի Հայաստանի հավաքականի կազմը՝ 2026 թվականի Եվրոպայի առաջնությանը մասնակցելու համար։ Մայրցամաքային առաջնությունը կանցկացվի ապրիլի 20-ից 26-ը Տիրանայում (Ալբանիա)։

Մասնակիցների փոքր թվի պատճառով որոշ քաշային կարգերում մրցումները կանցկացվեն շրջանային համակարգով։ Միևնույն ժամանակ հատկապես լարված և դիտարժան պայքար է սպասվում 63 կգ և 87 կգ քաշային կարգերում, որտեղ հանդես կգան տվյալ քաշերի երկրի ուժեղագույն ըմբիշները՝ Կրայեն Ասլանյան (63 կգ), Հրաչյա Պողոսյան (63 կգ), Ալեքս Մարգարյան (63 կգ), Գևորգ Նադևոսյան (87 կգ), Կարեն Խաչատրյան (87 կգ), Յուրիկ Պետրոսյան (87 կգ) և Վիգեն Նազարյան (87 կգ)։

Նշենք, որ Հայաստանի հավաքականի մի շարք առաջատարներ բաց կթողնեն երկրի առաջնությունը՝ Սլավիկ Գալստյան (67 կգ), Մալխաս Ամոյան (77 կգ) և Արթուր Ալեքսանյան (97 կգ)։

Հայաստանի առաջնության բոլոր մրցաշարային ցանցերը՝