Իռլանդիայի հավաքականի կազմը Հայաստանի և Հունգարիայի դեմ խաղերի համար

Իռլանդիայի ազգային ֆուտբոլային հավաքականի գլխավոր մարզիչ Հեյմիր Հադլգրիմսոնը հայտարարեց թիմի հայտացուցակը առաջիկա սեպտեմբերյան FIFA 2026 աշխարհի առաջնության ընտրական խաղերի համար։

Սեպտեմբերի 6-ին իռլանդացիները Դուբլինում կընդունեն Հունգարիայի հավաքականին, իսկ սեպտեմբերի 9-ին Երևանում կխաղան Հայաստանի դեմ։

Վերջնական ցուցակում ընդգրկված են 23 ֆուտբոլիստներ։ Իռլանդիայի կազմը հիմնականում ներկայացված է Անգլիայի խաղացողներով․ վեցը հանդես են գալիս Պրեմիեր լիգայում, տասներկուսը՝ Չեմփիոնշիփում։ Բացի այդ, կան երեք ֆուտբոլիստներ Շոտլանդիայի առաջնությունից, ինչպես նաև մեկական խաղացող՝ Սերիա Ա-ից (Իտալիա) և Էրեդիվիզիից (Նիդեռլանդներ)։

Հատուկ ուշադրության կենտրոնում են հարձակվողներ Թրոյ Փարոթը և Էվան Ֆերգյուսոնը։ Փարոթը տպավորիչ արդյունավետություն է ցուցաբերում «ԱԶ Ալկմար»-ում՝ այս մրցաշրջանում խփելով 10 գոլ և սահմանելով ակումբային ռեկորդ՝ գոլ խփելով յոթ խաղ անընդմեջ։ Իսկ Ֆերգյուսոնը վառ կերպով է սկսել իր վարձակալությունը «Ռոմա»-ում՝ դառնալով Սերիա Ա-ի «Բոլոնիա»-ի դեմ խաղի լավագույն խաղացողը (1:0)։

Հավաքականի հայտացուցակ՝
Դարպասապահներ – Կույվին Կելլեհեր («Բրենտֆորդ»), Գևին Բազունու («Սաութհեմփթոն»), Մարկ Թրևերս («Էվերթոն»)։

Պաշտպաններ – Մեթ Դոհերթի («Վուլվերհեմփթոն Ուոնդերերս»), Ջեյք Օ’Բրայեն («Էվերթոն»), Նեյթան Քոլլինզ («Բրենտֆորդ»), Դարա Օ’Շի («Իփսվիչ Թաուն»), Ջիմմի Դանն («Քուինզ Փարք Ռեյնջերս»), Բոցման Լավալ («Սթոք Սիթի»), Լիամ Սքեյլզ («Սելթիկ»), Ռայան Մենինգ («Սաութհեմփթոն»)։

Կիսապաշտպաններ – Ջոշ Քալլեն («Բեռնլի»), Ջեյսոն Նայթ («Բրիստոլ Սիթի»), Ջեք Թեյլոր («Իփսվիչ Թաուն»), Քիլիան Ֆիլլիպս («Սենթ-Միրրեն»)։

Հարձակվողներ – Էվան Ֆերգյուսոն («Ռոմա»), Թրոյ Փարոթ («ԱԶ Ալկմար»), Ադամ Իդահ («Սելթիկ»), Ֆինն Ազազ («Միդլսբրո»), Սեմմի Սմոդիքս («Իփսվիչ Թաուն»), Քյեդոզի Օգբենե («Իփսվիչ Թաուն»), Քեյսի Մաքաթիր («Իփսվիչ Թաուն»), Մայքի Ջոնսթոն («Վեստ Բրոմվիչ Ալբիոն»)։