Բարսեղյանի և «Սլովանի» դժվար գործուղումը Ղազախստան

Բրատիսլավայի «Սլովանը» Չեմպիոնների լիգայի որակավորման երրորդ փուլի առաջին խաղում նվազագույն հաշվով պարտվեց Ալմաթիի «Քայրաթին»՝ 0:1։ Որոշիչ գոլը 90-րդ րոպեին 11-մետրանոցից խփեց 16-ամյա հարձակվող Դաստան Սատպաևը։

Հյուրերի իրավիճակը բարդացավ 65-րդ րոպեին Ռահիմ Իբրահիմի հեռացումից հետո։ Հայաստանի կիսապաշտպան Տիգրան Բարսեղյանը մեկնարկային կազմում էր և փոխարինվեց 91-րդ րոպեին։

Պատասխան խաղը կկայանա օգոստոսի 12-ին Բրատիսլավայում։