«Սլովան» (Բրատիսլավա) կխաղա Կոնֆերենցիաների լիգայի խմբային փուլում

Սլովակիայի չեմպիոն «Սլովան» (Բրատիսլավա) շարունակելու է իր ելույթները եվրագավաթներում՝ անցնելով Կոնֆերենցիաների լիգայի 2025/26 խաղարկության խմբային փուլ։

Եվրոպա լիգայի փլեյ-օֆֆում սլովակական ակումբը զիջեց շվեյցարական «Յանգ Բոյզին» ընդհանուր հաշվով 2:4 (առաջին խաղում՝ 1:2, պատասխան խաղում՝ 2:3): Բեռնում կայացած մրցավեճում, որը ավարտվեց տանտերերի օգտին՝ 3:2 հաշվով, Հայաստանի ազգային հավաքականի հարձակվող Տիգրան Բարսեղյանը խաղադաշտում անցկացրեց ամբողջ 90 րոպեն։

Իր ճանապարհը եվրագավաթներում «Սլովանը» սկսել էր Չեմպիոնների լիգայի որակավորման փուլից․ սկզբում թիմը հաղթեց բոսնիական «Զրինյսկիին», սակայն երկրորդ փուլում 11 մետրանոցներով զիջեց ղազախական «Կայրատին»։

Հիշեցնենք, որ Կոնֆերենցիաների լիգայի խմբային փուլում հանդես է գալու նաև Հայաստանի չեմպիոն «Նոա»-ն, իսկ կիսապաշտպան Վահան Բիչախչյանը հայկական ֆուտբոլը կներկայացնի լեհական «Լեգիայի» կազմում։