Սլոբոդան Տերզիչը պատահաբար հաստատեց Նայիր Տիկնիզյանի տրանսֆերը «Ցրվենա Զվեզդա»-ում

«Ցրվենա Զվեզդա» ակումբի գլխավոր տնօրեն Սլոբոդան Տերզիչը ամառային տրանսֆերային արշավին նվիրված մամուլի ասուլիսի ժամանակ անզգուշությամբ հաստատեց հայկական ազգային հավաքականի պաշտպան Նայիր Տիկնիզյանի տեղափոխությունը:

Իր ելույթի ընթացքում Տերզիչը ոգևորությամբ խոսում էր թիմի նոր ձեռքբերումների մասին, ներառյալ Միլոշ Վալուկևիչի և Ռոդրիգոյի՝ պաշտպանական գծի ամրապնդման ուղղությամբ: Խոսելով ձախ պաշտպանի դիրքի մասին՝ նա նշեց «նոր ֆուտբոլիստի» մասին՝ առանց անունը հայտնելու, սակայն ասուլիսի ավարտին հանկարծ բացահայտեց Տիկնիզյանի ազգանունը:

Սպասվում է, որ Նայիր Տիկնիզյանը հունիսի 21-ին կժամանի Բելգրադ՝ բժշկական քննություն անցնելու: Ինչպես նախկինում հայտնել էին ԶԼՄ-ները, 26-ամյա ֆուտբոլիստի հետ կկնքվի երեք տարվա պայմանագիր: Մոսկվայի «Լոկոմոտիվը» կստանա 1.7 միլիոն եվրո՝ Տիկնիզյանի տրանսֆերի համար, ինչպես նաև 500 հազար եվրո՝ բոնուսների տեսքով:

«Ցրվենա Զվեզդան» ակտիվորեն պատրաստվում է Չեմպիոնների լիգայի որակավորման մեկնարկին՝ երկրորդ փուլում հանդիպելով «Վիկինգուր» (Ֆարերյան կղզիներ) – «Լինքոլն» (Ջիբրալթար) զույգի հաղթողի հետ: Առաջին ընկերական հանդիպումը կկայանա հունիսի 24-ին՝ «Սուտյեսկայի» դեմ։