Յոել Ռոմերո — Բո Նիկալ հանդիպումը RAF 5-ում չեղարկվել է
- Հեղինակ: Vahe Hakobyan
- Sportaran
Ազատ ոճի ըմբշամարտի RAF 5 մրցաշարի կազմակերպիչները հայտարարել են քարտի փոփոխությունների մասին։ Յոել Ռոմերո — Բո Նիկալ և Փեթ Դաունի — Ստեֆան Բյուքենեն հանդիպումները պաշտոնապես չեղարկվել են։
Պատճառը քաշի իջեցման հետ կապված խնդիրներն են․ Յոել Ռոմերոն և Ստեֆան Բյուքենենը չեն կարողացել տեղավորվել սահմանված քաշային լիմիտի մեջ։ Արդյունքում որոշում է կայացվել փոխել դիմակայությունների ձևաչափը։
Այժմ Ռոմերոն և Բյուքենենը կմրցեն միմյանց դեմ միջանկյալ քաշային կարգում։ Միևնույն ժամանակ Բո Նիկալը կպահպանի իր չեմպիոնական տիտղոսը կիսածանր քաշային կարգում՝ առանց այս մրցաշարում պաշտպանության։
RAF 5 մրցաշարը տեղի կունենա հունվարի 10-ից 11-ի գիշերը Սանռայզ քաղաքում (Ֆլորիդա, ԱՄՆ)։ Շոուի շրջանակում հանդես կգա նաև UFC-ի հայ մարտիկ Արման Ծառուկյանը, որը կմրցի Լենս Փալմերի դեմ։
Քննարկեք նորությունները!
Անցնել մեկնաբանություններին ↓
Comments
0