Ծանրամարտի Աշխարհի առաջնություն 2025-ի վեցերորդ օրը․ հայ մարզիկների «զրոներ» և Լոպեսի ռեկորդը

Հոկտեմբերի 7-ին Նորվեգիայի Ֆյորե քաղաքում անցկացվեց 2025 թվականի ծանրամարտի աշխարհի առաջնության վեցերորդ մրցողական օրը։ Բաշխվեցին մեդալների հավաքածուներ՝ տղամարդկանց 88 կգ և կանանց 69 կգ քաշային կարգերում։

Տղամարդիկ (88 կգ)

Համոզիչ հաղթանակ տարավ 2024 թվականի Օլիմպիական խաղերի արծաթե մեդալակիր Յեյսոն Լոպեսը (Կոլումբիա)՝ սահմանելով աշխարհի ռեկորդներ պոկումում և երկամարտի ընդհանուրում նոր՝ մինչև 88 կգ քաշային կարգում։ Նախկինում նա հանդես էր գալիս մինչև 89 կգ կարգում, որը հիմա վերացված է։ Այդ քաշում Լոպեսը զիջում էր բուլղարացի Կառլոս Նասարին, սակայն վերջինիս անցումից հետո մինչև 94 կգ, կոլումբացին դարձավ անվիճելի առաջատար։

ԿԺԴՀ-ից Ռո Կվան-րյոլը հաղթեց հրում վարժությունում, սակայն ընդհանուրում 10 կգ-ով զիջեց Լոպեսին՝ զբաղեցնելով երկրորդ տեղը։

Հայ ծանրամարտիկներ Սուրեն Գրիգորյանը և Անդրանիկ Կարապետյանը (ներկայանում է Բոսնիայի և Հերցեգովինայի դրոշի ներքո) հանդես եկան սպասվածից ցածր՝ երկուսն էլ մնացին առանց արդյունքի։
21-ամյա Գրիգորյանը պոկման երրորդ փորձով կարողացավ բարձրացնել 160 կգ, սակայն հրման երեք փորձերն էլ ձախողեց՝ 195 կգ քաշով։

Անդրանիկ Կարապետյանը առաջին անգամ էր հանդես գալիս Բոսնիայի և Հերցեգովինայի կազմում, սակայն մեկնարկը անհաջող էր։ Պոկման վարժությունում նա չկարողացավ ֆիքսել 168 և 173 կգ քաշերը, իսկ հրումին ընդհանրապես չմասնակցեց։

Կանայք (69 կգ)

Կանանց պայքարում կրկին բախվեցին Կոլումբիայի և ԿԺԴՀ-ի ներկայացուցիչները, սակայն այս անգամ հաղթեց Սոն Գուկ-հյանը՝ սահմանելով երեք աշխարհային ռեկորդ՝ պոկման, հրման և երկամարտի ընդհանուրում։
Սա ԿԺԴՀ-ի հինգերորդ ոսկին է առաջնությունում․ երկրի մարզուհիները հաղթել են բոլոր հինգ կանանց քաշային կարգերում, որոնք անցկացվել են մինչ այժմ։

Կոլումբացիները զբաղեցրին երկրորդ և երրորդ տեղերը, որոնցից մեկը ներկայացնում էր Բահրեյնի հավաքականը։

Արդյունքներ — 2025 թ. հոկտեմբերի 7

Տղամարդիկ, 88 կգ — երկամարտ (թոփ-10)

1. Յեյսոն Լոպես (Կոլումբիա) — 387 կգ (177 + 210) — Աշխարհի ռեկորդ

2. Ռո Կվան-րյոլ (ԿԺԴՀ) — 377 կգ (162 + 215)

3. Մարին Ռոբու (Մոլդովա) — 369 կգ (167 + 200)

4. Արլի Մենդես (Չիլի) — 368 կգ (172 + 196)

5. Լորենցո Տարկվինի (Իտալիա) — 357 կգ (159 + 198)

6. Իլիա Սալեհի (Իրան) — 356 կգ (163 + 193)

7. Կրիստիանո Ֆիկկո (Իտալիա) — 352 կգ (159 + 193)

8. Սյե Մեն-էն (Չինական Թայպեյ) — 349 կգ (152 + 192)

9. Բրեյդոն Քենեդի (Կանադա) — 341 կգ (156 + 185)

10. Բրենդոն Վիկտորիյան (ԱՄՆ) — 340 կգ (153 + 187)

Հրում:

1. Ռո Կվան-րյոլ (ԿԺԴՀ) — 215 կգ — Աշխարհի ռեկորդ

2. Յեյսոն Լոպես (Կոլումբիա) — 210 կգ

3. Մարին Ռոբու (Մոլդովա) — 200 կգ

Պոկում:

1. Յեյսոն Լոպես (Կոլումբիա) — 177 կգ — Աշխարհի ռեկորդ

2. Արլի Մենդես (Չիլի) — 172 կգ

3. Մարին Ռոբու (Մոլդովա) — 167 կգ

Կանայք, 69 կգ — երկամարտ (թոփ-10)

1. Սոն Գուկ-հյան (ԿԺԴՀ) — 270 կգ (120 + 150) — Աշխարհի ռեկորդ

2. Ջուլիեթ Ռոդրիգես (Կոլումբիա) — 241 կգ (110 + 131)

3. Ինգրիդ Սեգուրա (Բահրեյն) — 241 կգ (107 + 134)

4. Սյուզաննա Վալոդժկա (Բելառուս) — 238 կգ (106 + 132)

5. Չեն Վեն Հույ (Չինական Թայպեյ) — 232 կգ (100 + 132)

6. Շառլոտ Սիմոնո (Կանադա) — 232 կգ (106 + 132)

7. Ֆրանսեշկա Մատիաս (Դոմինիկյան Հանրապետություն) — 230 կգ (102 + 128)

8. Օլիվիա Սելեմայա (Նոր Զելանդիա) — 226 կգ (102 + 124)

9. Քրիստել Մակրոհոն (Ֆիլիպիններ) — 223 կգ (101 + 122)

10. Ալեքսիս Աշվորթ (Կանադա) — 221 կգ (100 + 121)

Հրում:

1. Սոն Գուկ-հյան (ԿԺԴՀ) — 150 կգ — Աշխարհի ռեկորդ

2. Ինգրիդ Սեգուրա (Բահրեյն) — 134 կգ

3. Չեն Վեն Հույ (Չինական Թայպեյ) — 132 կգ

Պոկում:

1. Սոն Գուկ-հյան (ԿԺԴՀ) — 120 կգ — Աշխարհի ռեկորդ

2. Ջուլիեթ Ռոդրիգես (Կոլումբիա) — 110 կգ

3. Ինգրիդ Սեգուրա (Բահրեյն) — 107 կգ

Հոկտեմբերի 8-ին կկայանան եզրափակիչները՝
Տղամարդիկ — մինչև 94 կգ, Կանայք — մինչև 77 կգ։
Հայաստանից կներկայանա Աննա Ամրոյանը (77 կգ, Բ խումբ)։

Մեդալային հաշվարկ վեց օրվա արդյունքներով (միայն ընդհանուր երկամարտի մեդալներ)

ԿԺԴՀ — 5 ոսկի, 3 արծաթ, 1 բրոնզ
Թաիլանդ — 1 ոսկի, 1 արծաթ, 2 բրոնզ
Կոլումբիա — 1 ոսկի, 1 արծաթ, 1 բրոնզ
Չինաստան — 1 ոսկի, 1 բրոնզ
Թուրքիա — 1 ոսկի
Ինդոնեզիա — 1 ոսկի
Հնդկաստան — 1 արծաթ
Կանադա — 1 արծաթ
Նիգերիա — 1 արծաթ
Ճապոնիա — 1 արծաթ
Ռումինիա — 1 արծաթ
Չինական Թայպեյ — 1 բրոնզ
ԱՄՆ — 1 բրոնզ
Եգիպտոս — 1 բրոնզ
Մոլդովա — 1 բրոնզ
Բահրեյն — 1 բրոնզ