Շարա Բուլետ․ Ծառուկյանի հետ մենամարտի հոնորարը դարձավ իմ կարիերայի ամենախոշորը

UFC-ի ռուսաստանցի մարտիկ Շարաբութդին Մագոմեդովը, ով առավել հայտնի է Շարա Բուլետ մականունով, կիսվել է Երևանիում անցկացված Hype FC մրցաշարի ֆինանսական մանրամասներով։ Մարզիկի խոսքով՝ Արման Ծառուկյանի դեմ գրեփլինգի կանոններով մենամարտը նրան բերել է ռեկորդային եկամուտ՝ ամբողջ պրոֆեսիոնալ կարիերայի ընթացքում։

Պրոմոութեր Կամիլ Գաջիևին տված հարցազրույցում Մագոմեդովը պատասխանել է այն հարցին, կարելի՞ է արդյոք վեցրոպեանոց մենամարտի հոնորարը համարել աննախադեպ։

«Ինձ համար սա միանշանակ ռեկորդ է։ Ես ընդհանրապես չեմ լսել, որ գրեփլինգում նման գումարներ վճարեն։ Այն արձագանքն ու հետաքրքրությունը, որը մեզ հաջողվեց ստեղծել այս մենամարտի շուրջ, այս մարզաձևի համար բացարձակ նոր բան է։ Հավանաբար նման բան եղել է միայն այն ժամանակներում, երբ գորգ էր դուրս գալիս լեգենդար Ալեքսանդր Կարելինը», — նշել է 31-ամյա մարտիկը։

Հիշեցնենք, որ Շարա Բուլետի և Արման Ծառուկյանի միջև մենամարտը կայացել է 2025 թվականի դեկտեմբերի 30-ին Երևանում և վեց րոպե պայքարի արդյունքում ավարտվել է ոչ-ոքի։ Մենամարտը մեծ հետաքրքրություն է առաջացրել և դարձել տարվա ամենաքննարկվող իրադարձություններից մեկը մարտարվեստների աշխարհում։