Սևիկյանը հաղթական գոլի հեղինակ դարձավ «Կարլսրուեի» դեմ խաղում (ՏԵՍԱՆՅՈՒԹ)

Հայաստանի հավաքականի հարձակվող Էդգար Սևիկյանը աչքի ընկավ «Ֆերենցվարոշի» և գերմանական «Կարլսրուեի» միջև անցկացված ընկերական խաղում՝ խփելով հաղթական գնդակը և ապահովելով իր թիմի հաղթանակը՝ 2:1 հաշվով։

Սևիկյանը խաղադաշտ մտավ հանդիպման 75-րդ րոպեին, իսկ արդեն յոթ րոպե անց՝ 82-րդ րոպեին, գրավեց մրցակցի դարպասը։

ՏԵՍԱՆՅՈՒԹ՝

Այս խաղը վերջին ստուգողական հանդիպումն էր Հունգարիայի չեմպիոնի համար ամառային ուսումնամարզական հավաքի շրջանակում։ Արդեն հաջորդ շաբաթ «Ֆերենցվարոշը» կմասնակցի Չեմպիոնների լիգայի որակավորման երկրորդ փուլին, որտեղ նրա մրցակիցը կլինի «Նոա» (Հայաստան) — «Բուդուչնոստ» (Չեռնոգորիա) զույգի հաղթողը։