Սենեգալը կորզեց հաղթանակը Մարոկկոյից և դարձավ Աֆրիկայի գավաթի կրկնակի չեմպիոն

Սենեգալի ազգային հավաքականը դարձավ Աֆրիկայի ազգերի գավաթ–2025-ի հաղթողը՝ դրամատիկ եզրափակչում հաղթելով մրցաշարի տանտեր Մարոկկոյի հավաքականին։ Ռաբաթում կայացած վճռորոշ հանդիպումն ավարտվեց 1:0 հաշվով՝ լրացուցիչ ժամանակում։

Հիմնական իրադարձությունները տեղի ունեցան հիմնական ժամանակի վերջնամասում։ 90+24-րդ րոպեին մրցավարը չափազանց վիճահարույց 11-մետրանոց նշանակեց Սենեգալի դարպասին։ Գնդակին մոտեցավ Մարոկկոյի հարձակվող Բրահիմ Դիասը, սակայն նրա «պանենկայի» փորձը անհաջող եղավ․ դարպասապահ Էդուար Մենդին սառնասրտորեն փրկեց իր թիմին և խաղը տեղափոխեց լրացուցիչ ժամանակ։

Լրացուցիչ ժամանակը անցավ Սենեգալի հոգեբանական առավելության պայմաններում։ Կուլմինացիան եղավ 94-րդ րոպեին, երբ «Վիլյառեալի» կիսապաշտպան Պապ Գույեն հզոր հարվածով գնդակը ուղարկեց Բոնոյի դարպասի ցանցը՝ Իդրիսա Գանա Գույեի փոխանցումից հետո։ Այդ գոլը դարձավ հանդիպման միակ և հաղթական գոլը։

Այսպիսով, «Տերանգայի առյուծները» իրենց պատմության մեջ երկրորդ անգամ նվաճեցին Աֆրիկայի ազգերի գավաթը։ Նախկինում Սենեգալը մայրցամաքի չեմպիոն էր դարձել 2021 թվականին։ Եզրափակչում Մարոկկոյի նկատմամբ հաղթանակը, այն էլ նրա սեփական հարկի տակ, վերջնականապես ամրապնդեց Սենեգալի հավաքականի կարգավիճակը որպես վերջին տարիների Աֆրիկայի ամենահզոր թիմերից մեկը։