Սելարայանը խփեց հաղթական գոլը հայկական դերբիում Արգենտինայի Պրիմերայում (ՎԻԴԵՈ)

Օգոստոսի 10-ին Արգենտինայի Պրիմերայի 4-րդ տուրի խաղում միմյանց դեմ դուրս եկան Հայաստանի հավաքականի երկու կիսապաշտպանների թիմերը։ Լուկաս Սելարայանի «Բելգրանոն» սեփական դաշտում ընդունեց Թոմաս Ադորյանի «Բանֆիլդը»։

Տանտերերը հաղթեցին 2:1 հաշվով։ 19-րդ րոպեին Գաբրիել Կոմպանյուչին բացեց հաշիվը, իսկ 48-րդ րոպեին Սելարայանը գեղեցիկ անհատական անցումից և Խարայի հետ համադրությունից հետո հաշիվը դարձրեց 2:0։ Ավելի ուշ Մաուրո Մենդեսը կրճատեց հաշվի տարբերությունը, սակայն «Բելգրանոյի» ավագի գոլը վճռորոշ եղավ։

23-ամյա Ադորյանը, որը Կլաուսուրայի նախորդ երեք խաղերում խաղացել էր 60 րոպե, այս անգամ մնաց պահեստայինների նստարանին։

Սելարայանի վիճակագրությունը «Բանֆիլդի» դեմ.

• 1 գոլ

• 2 հարված (xG — 0.29)

• xA — 0.55 (հնարավոր գոլային փոխանցումներ)

• 4 բանալի փոխանցում

• 3-ից 2 հաջող դրիբլինգ

• 81% ճշգրիտ փոխանցումներ

• 7 հաղթած մենամարտ

• 5 վաստակած խախտում

• 2 խլում

SofaScore-ի 8.9 գնահատականով Սելարայանը դարձավ հանդիպման լավագույն խաղացողը։

4 տուրից հետո «Բելգրանոն» ունի 7 միավոր, «Բանֆիլդը»՝ 4։

Սելարայանի ակտիվում արդեն կա 3 գոլ վերջին 4 խաղում։

Սելարայանի գոլի տեսանյութը.