Այսօր մեկնարկում է Zuffa Boxing 1-ը — Դանա Ուայթի պրոֆեսիոնալ բռնցքամարտի նոր դարաշրջանը

Այսօր՝ հունվարի 23-ից 24-ի գիշերը, Լաս Վեգասում՝ UFC META APEX մարզադահլիճում, տեղի կունենա նոր բռնցքամարտային պրոմոուշենի երկար սպասված դեբյուտը՝ Zuffa Boxing 1-ը։ Սա փակ պրոֆեսիոնալ բռնցքամարտային լիգայի առաջին մրցաշարն է, որը ստեղծվել է UFC-ի նախագահ Դանա Ուայթի կողմից, որտեղ մարզիկները հանդես են գալիս բացառիկ պայմանագրերով՝ UFC-ի մոդելի նմանությամբ։

Նախագիծը պաշտոնապես հայտարարվել է 2025 թվականի հունիսի 18-ին, երբ Դանա Ուայթը հաստատեց, որ TKO Group Holdings-ը՝ UFC-ի մայր ընկերությունը, մեկնարկում է նոր բռնցքամարտային լիգա Zuffa Boxing բրենդի ներքո՝ վերակենդանացնելով դեռ 2017 թվականին առաջ քաշված գաղափարը։

Zuffa Boxing-ի գլխավոր նպատակն է UFC-ի հաջող բիզնես մոդելը տեղափոխել պրոֆեսիոնալ բռնցքամարտ՝ ստեղծելով մրցունակ, հստակ կառուցված և դիտարժան լիգա։

Zuffa Boxing 1-ի հետաքրքիր մենամարտերի քարտը. Walsh vs. Ocampo

Առաջին իսկ մրցաշարը ներկայացնում է հագեցած և մրցակցային քարտ՝ անպարտելի և հեռանկարային բռնցքամարտիկների մասնակցությամբ․

• Քալում Ուոլշ (15-0-0, #14) vs Կառլոս Օկամպո (38-3-0, #37) — գլխավոր մենամարտ

• Քեյն Սանդովալ (17-0-0, #21) vs Ջուլիան Ռոդրիգես (24-1-0, #25)

• Միսաել Ռոդրիգես Օլիվաս (15-0-0, #90) vs Օսթին Դեանդա (17-0-0, #119)

• Օմար Կանդե Տրինիդադ (19-0-2, #15) vs Մաքս Օռնելաս (17-2-1)

• Ֆլոյդ Դիաս (13-0-0) vs Գիլերմո Գուտիերես (13-2-0, #207)

• Էմիլիանո Կարդենաս (9-0-0, #113) vs Մարկուս Կորտես Հարիս (7-1-0, #302)

• Ռոբերտ Մերիուեթեր III (9-0-0, #221) vs Սեսար Կորեա (5-0-0)

• Տրոյ Նեշ (5-0-1, #122) vs Ջեյքոբ Ռամոս (4-0-0, #281)

Մրցաշարի ուղիղ հեռարձակումը հասանելի կլինի բացառապես Paramount+ հարթակում։

Zuffa Boxing-ի հաջորդ մրցաշարերը

• Zuffa Boxing 2: Valenzuela vs. Torres — փետրվարի 1

• Zuffa Boxing 3: Ajagba vs. Martin — փետրվարի 13

Երկու մրցաշարերն էլ կանցկացվեն Լաս Վեգասում։