Այսօր տեղի կունենա Եղիշե Մելիքյանի և Նաիր Տիկնիզյանի մամուլի ասուլիսը

Այսօր՝ մարտի 28-ին, Երևանի Հանրապետական մարզադաշտի մամուլի կենտրոնում տեղի կունենա Հայաստանի ազգային հավաքականի գլխավոր մարզիչ Եղիշե Մելիքյանի և պաշտպան Նաիր Տիկնիզյանի մամուլի ասուլիսը՝ Բելառուսի դեմ ընկերական հանդիպումից առաջ։

Մամուլի ասուլիսը կմեկնարկի Երևանի ժամանակով ժամը 17:30-ին և կհեռարձակվի Հայաստանի ֆուտբոլի ֆեդերացիայի YouTube-ի ալիքով։

Բելառուսի հավաքականի մամուլի ասուլիսին կմասնակցեն գլխավոր մարզիչ Վիկտոր Գոնչարենկոն և հարձակվող Կարեն Վարդանյանը։

Հայաստան — Բելառուս հանդիպումը կկայանա մարտի 29-ին՝ Երևանի ժամանակով ժամը 18:00-ին (Մոսկվայի ժամանակով՝ 17:00)։