Սեբաստիան Տերտերյանը փայլուն դեբյուտ ունեցավ պրոֆեսիոնալ բռնցքամարտում՝ նոկաուտի ենթարկելով Սփենսերին (Տեսանյութ)

Հայ բռնցքամարտիկ Սեբաստիան Տերտերյանը (1-0) տպավորիչ հաղթանակ տարավ իր պրոֆեսիոնալ դեբյուտում։ Ֆրեզնոյում (ԱՄՆ) կայացած բռնցքամարտի երեկոյի ժամանակ նա առաջին ռաունդում վստահորեն նոկաուտի ենթարկեց ամերիկացի Դասթին Սփենսերին (0-2)՝ ցուցադրելով իր ուժը և պատրաստվածության բարձր մակարդակը։

Տեսանյութ.

Մարտից հետո Տերտերյանը նշեց, որ այս հաղթանակը հատուկ նշանակություն ունի իր համար։ Նա այն նվիրեց մեկ շաբաթ առաջ մահացած ականավոր հայ բռնցքամարտիկ Վանես Մարտիրոսյանին։

«Ես այս հաղթանակը նվիրում եմ իսկական լեգենդի։ Ռինգում նրա բոլոր նվաճումներից զատ, նա կհիշվի առաջին հերթին որպես արժեքավոր անձնավորություն և որպես ուժեղ հայ-ամերիկյան բռնցքամարտիկ, որը հասել է համաշխարհային մակարդակի։ ԱՄՆ-ում բնակվող բոլոր հայերին, ովքեր մեզ բաց ձեռքերով ընդունեցին՝ շնորհակալություն, և շնորհակալություն հովանավորներին, ովքեր իսկապես հոգ տարան մեր մասին», - ասաց Տերտերյանը։

Հիշեցնենք, որ Սեբաստիանի երկվորյակ եղբայրը՝ Նիկոլայ Տերտերյանը, վերջերս հաջողությամբ դեբյուտ ունեցավ պրոֆեսիոնալ բռնցքամարտում։