ԱՄՆ ազատ ոճի ըմբշամարտի հավաքական. հայտնի են 2025-ի աշխարհի առաջնության 9 մասնակիցները

Ինը ըմբիշներ նվաճել են ուղեգիր 2025 թվականի աշխարհի առաջնություն, ևս մեկը՝ ավելի վաղ ստացել է բժշկական տարկետում։ Այսպիսով, ԱՄՆ-ի տղամարդկանց ազատ ոճի հավաքականում արդեն հստակեցված են ինը քաշային կարգերի ներկայացուցիչները։ Վճռորոշ գոտեմարտերը կայացան հունիսի 14-ին, Prudential Center-ում՝ Final X մրցաշարի շրջանակում։

Մրցումների գլխավոր անակնկալը դարձավ Փի Ջեյ Դյուկը (70 կգ), որը երեք հանդիպումներից բաղկացած սերիայում հաղթեց 2022-ի աշխարհի առաջնության բրոնզե մեդալակիր Յաննի Դիակոմիհալիսին։ Վճռորոշ գոտեմարտում Դյուկը զիջում էր 0:2 հաշվով, սակայն կարողացավ պահում կատարել և հաղթել ժամանակից շուտ։

Աշխարհի առաջնությանը մասնակցությունը հաստատել են նաև մի շարք համաշխարհային աստղեր՝

• Քայլ Սնայդեր (97 կգ) — օլիմպիական չեմպիոն և աշխարհի եռակի չեմպիոն։

• Սպենսեր Լի (57 կգ) — 2024-ի Օլիմպիական խաղերի արծաթե մեդալակիր, ով առաջին անգամ կմասնակցի մեծահասակների ԱԱ-ին։

• Զահիդ Վալենսիա (86 կգ) — ԱԱ-2023-ի բրոնզե մեդալակիր, հաղթել է լեգենդար Քայլ Դեյքին։

• Փի Ջեյ Դյուկ (70 կգ)

ԱՄՆ-ի տղամարդկանց հավաքականի ամբողջական կազմը ԱԱ-2025-ի համար (բացառությամբ 61 կգ քաշային կարգի, որի ներկայացուցչի անունը կհստակեցվի հուլիսի 14-ին).

• 57 կգ — Սպենսեր Լի

• 65 կգ — Ռեալ Վուդս

• 70 կգ — Փի Ջեյ Դյուկ

• 74 կգ — Դևիդ Քառ

• 79 կգ — Լևի Հեյնս

• 86 կգ — Զահիդ Վալենսիա

• 92 կգ — Թրենտ Հիդլի

• 97 կգ — Քայլ Սնայդեր

• 125 կգ — Ուայեթ Հենդրիքսոն

Ի դեպ, աշխարհի գործող չեմպիոն Վիտո Արուժաուն (61 կգ) բժշկական պատճառներով տարկետում է ստացել։ Նրա գոտեմարտը Ջաքս Ֆորրեսթի հետ կկայանա հուլիսի 14-ին։

Տղամարդկանց ազատ ոճի աշխարհի առաջնությունը կկայանա սեպտեմբերի 13-21-ը Խորվաթիայի մայրաքաղաք Զագրեբում։

Աղբյուր՝ dzulurgan.ru

Նշենք, որ Հայաստանի հավաքականի կազմը դեռ չի հստակեցվել։