Լեհաստանի Մ-21 հավաքականը հայտարարեց կազմը Հյուսիսային Մակեդոնիայի և Հայաստանի դեմ խաղերի համար

Լեհաստանի երիտասարդական հավաքականի գլխավոր մարզիչ Եժի Բժենչեկը հրապարակել է թիմի կազմը առաջիկա Եվրոպայի Մ-21 առաջնության ընտրական խաղերի համար։ Լեհերը սեպտեմբերի 5-ին Կրակովում կհանդիպեն Հյուսիսային Մակեդոնիային, իսկ սեպտեմբերի 9-ին կայցելեն Երևան՝ մրցելու Հայաստանի հավաքականի հետ։

Սկզբում հայտացուցակում ընդգրկված էր 23 ֆուտբոլիստ, սակայն վերջին պահին տեղի ունեցավ փոփոխություն․ դարպասապահ Մարսել Լուբիկը («Գուրնիկ Զաբժե») վնասվածքի պատճառով դուրս մնաց, նրա փոխարեն հրավիրվեց «ԼԿՍ Լոձի» դարպասապահ Ալեքսանդր Բոբեկը։

Լեհաստանի երիտասարդական հավաքականի ընդլայնված կազմում ընդգրկված են ինչպես երկրի առաջատար ակումբների ներկայացուցիչներ, այնպես էլ արտասահմանում հանդես եկող ֆուտբոլիստներ։ Նրանց թվում են՝ Մաքսիմիլիան Օյեդելե («Ստրասբուրգ»), Կացպեր Պոտուցկի («Մայնց 05») և Ֆիլիպ Ռուժգա («Շտուրմ Գրաց»)։

Լեհաստան – Հայաստան հանդիպումը կկայանա սեպտեմբերի 9-ին, ժամը 15:00-ին, Երևանում և կարող է վճռորոշ լինել երկու թիմերի համար՝ Մ-21 Եվրոպայի առաջնության ուղեգրի պայքարում։

Դարպասապահներ.
Սլավոմիր Աբրամովիչ («Յագելլոնիա» Բիալիստոկ)
Ալեքսանդր Բոբեկ («ԼԿՍ Լոձ»)

Պաշտպաններ.
Իգոր Դրապինսկի («Պյաստ» Գլիվիցե)
Ֆիլիպ Կոչաբա («Զագլեմբե» Լյուբին)
Մարսել Կրաեւսկի («Վիդզեւ» Լոձ)
Մարիուշ Կուտվա («Վիսլա» Կրակով)
Միլոշ Մատիսիկ («Արիս» Լիմասոլ)
Վիկտոր Նովակ («Վիսլա» Պլոցկ)
Կացպեր Պոտուցկի («Մայնց 05»)

Կիսապաշտպաններ.
Դավիդ Դրահալ («Յագելլոնիա» Բիալիստոկ)
Մարսել Ռեգուլա («Զագլեմբե» Լյուբին)
Կացպեր Դուդա («Վիսլա» Կրակով)
Միխալ Գուրգուլ («Լեխ» Պոզնան)
Անտոնի Կոզուբալ («Լեխ» Պոզնան)
Մատեուշ Կովալչիկ («ԳԿՍ» Կատովիցե)
Ֆիլիպ Լուբերեցկի («Մոտոր» Լյուբլին)
Մաքսիմիլիան Օյեդելե («Ստրասբուրգ»)
Տոմաշ Պենկո («Ռակուվ» Չենստոխովա)
Ֆիլիպ Ռուժգա («Շտուրմ» Գրաց)
Մաչեյ Կիկոլսկի («Վիդզեւ» Լոձ)

Հարձակվողներ.
Վիկտոր Բոգաչ («Նյու Յորք Ռեդ Բուլզ»)
Օսկար Պետուշեւսկի («Յագելլոնիա» Բիալիստոկ)
Մաչեյ Կուզիեմկա («Վիսլա» Կրակով)