Իրաքը դուրս եկավ ԱԱ-2026 միջմայրցամաքային փլեյ-օֆֆ

Իրաքի ազգային հավաքականը շարունակում է ճանապարհը դեպի իր առաջին աշխարհի առաջնությունը՝ վերջին 40 տարվա ընթացքում։ Թիմը դուրս եկավ ԱԱ-2026 ընտրական շրջանի միջմայրցամաքային փլեյ-օֆֆ՝ հաղթելով ԱՄԷ-ին ասիական փլեյ-օֆֆի եզրափակչում։

Պատասխան խաղը չափազանց դրամատիկ էր․ Իրաքը 2:1 հաշվով հաղթեց ԱՄԷ-ին․ վճռական գոլը խփվեց ավելացված ժամանակի 17-րդ րոպեին՝ 11-մետրանոցից։ Առաջին խաղը ավարտվել էր 1:1, և երկու հանդիպումների ընդհանուր հաշվով իրաքցիները հաղթեցին՝ 3:2։

Իրաքի երկար ճանապարհը դեպի ԱԱ-2026 փլեյ-օֆֆ

Իրաքը անցավ Ասիական որակավորման երեք փուլերով․

2-րդ փուլ․ 1-ին տեղ խմբում՝ Ինդոնեզիայի, Վիետնամի և Ֆիլիպինների հետ։

3-րդ փուլ․ Խմբում 3-րդ տեղ։ Իրաքը գերազանցեց Օմանին, Պաղեստինին և Քուվեյթին՝ զիջելով միայն Հարավային Կորեային և Հորդանանին։

Փլեյ-օֆֆ․ Հաղթանակ ԱՄԷ-ի նկատմամբ՝ երկու խաղերի արդյունքում։

Ինչ է սպասվում հետո?

Այժմ Իրաքը հանդես կգա միջմայրցամաքային փլեյ-օֆֆում, որտեղ հնարավոր մրցակիցներն են՝

• Կոնգոյի Դեմոկրատական Հանրապետություն

• Նոր Կալեդոնիա

• Բոլիվիա

• Եվ Հյուսիսային Ամերիկայից երկու թիմ, որոնք կհայտատվեն վաղը։

Փլեյ-օֆֆի խաղերը կանցկացվեն 2026 թվականի մարտին Մեքսիկայում՝։ Մունդիալը կմեկնարկի 2026-ի ամռանը՝ ԱՄՆ-ում, Կանադայում և Մեքսիկայում։ Միջմայրցամաքային փլեյ-օֆֆից ԱԱ-ին կանցնեն երկու թիմ։

Իրաքի առաջին և միակ մասնակցությունը Աշխարհի առաջնությանը եղել է 1986 թվականին, երբ մրցաշարը կրկին անցկացվել էր Մեքսիկայում։ Այժմ «Մեսոպոտամիայի առյուծները» իրական հնարավորություն ունեն վերադառնալու համաշխարհային ասպարեզ։