Հայաստանի հավաքականը 10 մեդալ է նվաճել բռնցքամարտի Եվրոպայի պատանեկան առաջնությունում

Հայաստանի տղաների բռնցքամարտի հավաքականը թիմային երկրորդ տեղն է գրավել Եվրոպայի պատանեկան առաջնությունում (մինչև 17 տարեկան), որը տեղի է ունեցել հուլիսի 10-ից 16-ը Սերբիայի Նովի Պազար քաղաքում։ Հայ մարզիկները նվաճել են 10 մեդալ՝ 2 ոսկե, 5 արծաթե և 3 բրոնզե՝ ընդհանուր հաշվարկում զիջելով միայն Ռուսաստանի հավաքականին։

Հայ մարզիկների նվաճումները՝
Ոսկե մեդալներ
— Տիգրան Կիրակոսյան (50 կգ)
— Սուրեն Քավթալյան (60 կգ)

Արծաթե մեդալներ
— Սուրեն Բաբլումյան (46 կգ)
— Վլադիմիր Մշեցյան (52 կգ)
— Կարեն Զախարյան (57 կգ)
— Էդգար Սուքիասյան (75 կգ)
— Միքայել Գյուլումյան (80 կգ)

Բրոնզե մեդալներ
— Հակոբ Շարբատյան (48 կգ)
— Հայկ Կարապետյան (54 կգ)
— Արսեն Կարապետյան (66 կգ)

Ավելի վաղ նույն առաջնությունում Հայաստանի աղջիկների հավաքականը նույնպես հաջողությամբ է հանդես եկել՝ նվաճելով 6 մեդալ և գրանցելով պատմական արդյունք։