Հայաստանի հավաքականը առաջին անգամ կմասնակցի թիմային մրցաշարին սպորտային մարմնամարզության Եվրոպայի առաջնությունում

Հայաստանի տղամարդկանց սպորտային մարմնամարզության հավաքականը առաջին անգամ կընդգրկվի թիմային առաջնությանը Եվրոպայի առաջնության շրջանակում, որը կանցկացվի մայիսի 26-ից 31-ը Գերմանիայի Լայպցիգ քաղաքում։

Լայպցիգ մեկնելուց առաջ հայկական թիմը համատեղ ուսումնամարզական հավաք է անցկացրել Գերմանիայի ազգային հավաքականի հետ Բեռլինում։ Հայաստանի հավաքականի գլխավոր մարզիչ Հակոբ Սերոբյանը թիմային մրցաշարին մասնակցելու համար հայտագրել է հինգ մարմնամարզիկների, ովքեր նաև հանդես կգան առանձին սարքերում.

Արթուր Դավթյան
Մամիկոն Խաչատրյան
Գագիկ Խաչիկյան
Համլետ Մանուկյան
Արթուր Ավետիսյան

Բացի դրանից՝ փորձառու մարմնամարզիկ Վահագն Դավթյանը ավանդաբար հանդես կգա օղակների վրա վարժությունում, որտեղ նա շարունակում է մնալ Եվրոպայի ամենաուժեղ ներկայացուցիչներից մեկը։

Ըստ Եվրոպական մարմնամարզության ֆեդերացիայի հրապարակած պաշտոնական ժամանակացույցի՝ տղամարդկանց որակավորումը և թիմային եզրափակիչը կկայանան մայիսի 27-ին։ Կանանց մրցաշարերը կմեկնարկեն մեկ օր շուտ՝ մայիսի 26-ին, իսկ մայիսի 28-ին կկայանա խառը թիմերի եզրափակիչը։ Անհատական եզրափակիչներն ու գալա համերգը նախատեսված են մայիսի 29-ից 31-ը։