Հայաստանի ազգային հավաքականը պարտվեց Բուլղարիային Եվրոբասկետ-2029-ի նախապարույրի մեկնարկային հանդիպմանը

Հայաստանի բասկետբոլի ազգային հավաքականը Եվրոբասկետ 2029-ի նախապարույրի հանդիպումները սկսեց Բուլղարիայի հավաքականից կրած՝ 88:98 հաշվով պարտությամբ։ Հանդիպումն անցկացվեց B խմբի շրջանակում։

Խաղը հատուկ նշանակություն ուներ ազգային թիմի համար. Հայաստանի հավաքականում իր առաջին հանդիպումն անցկացրեց նատուռալիզացված ամերիկացի պաշտպան Քրիստիան Վիտթալը, որը միանգամից դարձավ թիմի առաջատարներից մեկը՝ հավաքելով 27 միավոր և կատարելով 8 անդրադարձ։

Հայաստանի հավաքականում հանդիպման գլխավոր բոմբարդիրը դարձավ Անդրե Սփայթ-Մկրտչյանը՝ վաստակելով տպավորիչ 37 միավոր։

Հայաստանի հավաքականի խաղացողների վիճակագրությունը.

• Անդրե Սփայթ-Մկրտչյան — 37 միավոր

• Քրիստիան Վիտալ — 27 միավոր, 8 անդրադարձ

• Յուրա Մելիքյան — 8 միավոր, 12 անդրադարձ

• Ալբերտ Թադևոսյան — 5 միավոր, 4 անդրադարձ

• Դանիել Կիրակոսյան — 4 միավոր

• Ռաֆայել Մասումյան — 3 միավոր

• Գաբրիել Աջեմյան — 2 միավոր

• Վալերի Աղաջանյան — 2 միավոր

Հայաստանի հավաքականը իր հաջորդ հանդիպումը կանցկացնի նոյեմբերի 30-ին Երևանում՝ ընդունելով Նորվեգիայի հավաքականին։