Հայաստանի մինչև 16 տարեկանների վոլեյբոլի հավաքականը մեկնարկեց տնային ԵՎՐՈ-ն՝ պարտությամբ Հունաստանից
- Հեղինակ: Vahe Hakobyan
- Sportaran
Հուլիսի 23-ին Երևանում մեկնարկած մինչև 16 տարեկանների Եվրոպայի վոլեյբոլի առաջնության առաջին խաղում Հայաստանի հավաքականը պարտվեց Հունաստանի թիմին՝ 0:3 (13:25, 14:25, 22:25) հաշվով։
Չնայած անհաջող մեկնարկին՝ Անդրեյ Նոզդրինի սաները պատրաստվում են շարունակել պայքարը բարձր տեղերի համար։ Ինչպես ավելի վաղ նշել էր Հայաստանի վոլեյբոլի ֆեդերացիայի գլխավոր քարտուղար Կարեն Ասմարյանը, թիմի նպատակն է մրցաշարի արդյունքներով հայտնվել հնգյակում։
Հայաստանի հավաքականը հաջորդ խաղը կանցկացնի արդեն վաղը՝ հուլիսի 24-ին՝ Ռումինիայի դեմ։
Մինչև 16 տարեկանների Եվրոպայի առաջնությունը Երևանում կանցկացվի հուլիսի 23-30-ը։
Քննարկեք նորությունները!
Անցնել մեկնաբանություններին ↓
Comments
0