Հայաստանի Մ16 հավաքականը՝ բրոնզե մեդալակիր բասկետբոլի Եվրոպայի առաջնությունում (C դիվիզիոն)

Հայաստանի մինչև 16 տարեկանների տղաների հավաքականը բրոնզե մեդալներ է նվաճել բասկետբոլի Եվրոպայի 2025 թվականի առաջնությունում՝ C դիվիզիոնում։ Երրորդ տեղի խաղում մեր թիմը վստահ հաղթանակ է տարել Ալբանիայի հասակակիցների նկատմամբ՝ 118:78 հաշվով։

Խաղի գլխավոր հերոսը դարձավ Էդգար Աղաբեկյանը, ով փայլեց բացառիկ արդյունքներով՝ 36 միավոր, 9 վերադարձրած գնդակ, 7 փոխանցում, 3 խլում և 4 տուգանային հարվածի արգելափակում։ Նրան վստահ աջակցություն ցույց տվեց Քևին Քեշիշյանը՝ վաստակելով 25 միավոր, 6 վերադարձրած գնդակ, 2 փոխանցում և 5 բլոկ։

Մրցաշարի արդյունքներով Հայաստանի հավաքականի ամենաարդյունավետ խաղացողը դարձավ Էդգար Աղաբեկյանը՝ միջինը 24.6 միավոր մեկ խաղում։ Երկրորդ տեղում է Քևին Քեշիշյանը՝ 23.8 միավորով։

Ահա Հայաստանի մինչև 16 տարեկանների հավաքականի բոլոր հանդիպումները բասկետբոլի Եվրոպայի 2025 թվականի առաջնությունում (C դիվիզիոն).

• Հայաստան – Մոլդովա՝ 80:56

• Հայաստան – Մալթա՝ 96:46

• Հայաստան – Ալբանիա՝ 97:63

• Կիսաեզրափակիչ՝ Հայաստան – Անդորրա՝ 78:87

• Երրորդ տեղի խաղ՝ Հայաստան – Ալբանիա՝ 118:78