Հայաստանի ազգային հավաքականը անցկացրեց իր վերջին մարզումը Իռլանդիայի դեմ խաղից առաջ

Հոկտեմբերի 13-ին Դուբլինում, «Aviva Stadium»-ում, Հայաստանի ֆուտբոլի ազգային հավաքականը անցկացրեց վերջին մարզումը՝ նախքան աշխարհի 2026 թվականի առաջնության ընտրական փուլի F խմբի 4-րդ տուրի հանդիպումը Իռլանդիայի հավաքականի դեմ:

Հայաստանի ֆուտբոլի ֆեդերացիայի հրապարակած կադրերում երևում է, որ գլխավոր մարզիչ Եղիշե Մելիքյանը անհատապես զրուցել է մի շարք ֆուտբոլիստների հետ, մասնավորապես՝ պաշտպան Գեորգի Հարությունյանի հետ։ Թիմը անցկացրեց տաքացում և երկկողմանի խաղ։

Ֆուտբոլիստները լավ տրամադրությամբ էին և ոգևորված՝ պատրաստվում էին առաջիկա հանդիպմանը։

Նշենք, որ Հայաստանի հավաքականը չունի կորուստներ կամ որակազրկվածներ․ բոլոր ֆուտբոլիստները պատրաստ են մասնակցել խաղին։

Դեղին քարտի վտանգի տակ են Էրիկ Պիլոյանը, Գեորգի Հարությունյանը և Կամո Հովհաննիսյանը․ եթե նրանք ստանան դեղին քարտ, կբացակայեն նոյեմբերին կայանալիք Հունգարիայի դեմ խաղից։

Լրագրողական ասուլիսից մեջբերումներ.

Եղիշե Մելիքյան․ «Իռլանդիայի դեմ հանդիպումը կլինի իսկական ֆուտբոլային ճակատամարտ»

Էրիկ Փիլոյան․ «Կանենք ամեն ինչ՝ Իռլանդիայի դեմ հաղթանակի համար»

Կարդացեք նաև․
Ֆուտբոլիստների պատրաստականության վերլուծությունը՝ Հունգարիայի և Իռլանդիայի դեմ խաղերից առաջ