Հայաստանի հավաքականը ստացավ եզակի առավելություն օրացույցում Իռլանդիայի դեմ խաղից առաջ

Վաղվա հանդիպումը Հայաստանի հավաքականի և Իռլանդիայի միջև առանձնահատուկ է լինելու ԱԱ-2026-ի ընտրական օրացույցի տեսանկյունից։ Հայկական թիմը առաջին և միակ անգամ այս ընտրական փուլում կանցկացնի երկրորդ անընդմեջ տնային հանդիպումը։

Սեպտեմբերի 6-ին Պորտուգալիայից (0:5) կրած պարտությունից հետո հայ ֆուտբոլիստները երեք օր ժամանակ ստացան վերականգնման և պատրաստության համար։ Իսկ իռլանդացիները շատ ավելի բարդ իրավիճակում էին․ նրանց խաղը Հունգարիայի դեմ (2:2) սկսվեց երկու ժամ ուշ, իսկ արդեն սեպտեմբերի 7-ի առավոտյան թիմը ճանապարհ ընկավ։ Երևան թռիչքը տևեց շուրջ ութ ժամ, և միայն երեկոյան Իռլանդիայի հավաքականը հասավ Հայաստանի մայրաքաղաք։

Այդպիսով, իռլանդացիները կունենան ընդամենը մեկ լիարժեք մարզում վաղվա խաղից առաջ, մինչդեռ Հայաստանի հավաքականն ավելի շատ ժամանակ ուներ պատրաստվելու։

Այսպիսի առավելություն մեր թիմը այլևս չի ունենա այս ընտրական փուլում։ Նոյեմբերի 13-ին Հունգարիայի դեմ տնային հանդիպումը կբացի նոյեմբերյան հատվածը, և այդ դեպքում Հունգարիան կունենա ավելի շատ ժամանակ պատրաստվելու։

Խումբ F-ի խաղերը (սեպտեմբերի 6):
Հայաստան – Պորտուգալիա 0:5
Իռլանդիա – Հունգարիա 2:2

Խաղերը սեպտեմբերի 9-ին:
Հայաստան – Իռլանդիա
Հունգարիա – Պորտուգալիա