Հայաստանի հավաքականը բարձրացավ ՖԻՖԱ-ի վարկանիշում (սեպտեմբեր 2025 թ․ թարմացում)

Սեպտեմբերի 18-ին ՖԻՖԱ-ն հրապարակեց ազգային հավաքականների նորացված վարկանիշային աղյուսակը։ Դրա արդյունքներով Հայաստանի հավաքականը բարձրացել է երկու աստիճանով և այժմ զբաղեցնում է 103-րդ տեղը՝ 1219.55 միավորով։

Այս արդյունքը հնարավոր դարձավ հավաքականի ելույթների շնորհիվ սեպտեմբերյան խաղերում։ Հայաստանի հավաքականը կարևոր հաղթանակ տարավ Իռլանդիայի նկատմամբ (2:1), որը գտնվում է վարկանիշային աղյուսակի 61-րդ հորիզոնականում, և զիջեց Պորտուգալիային (0:5)։ Հենց իռլանդացիների դեմ խաղում հաղթանակն էլ հնարավորություն տվեց Հայաստանին բարելավել իր դիրքը։

Աշխարհի վարկանիշային աղյուսակի առաջատար դարձավ Իսպանիան՝ 1875.37 միավորով։ Ֆրանսիան շատ քիչ է զիջում և գտնվում է երկրորդ տեղում, իսկ գործող աշխարհի չեմպիոն Արգենտինան իջել է երրորդ հորիզոնական։

ՖԻՖԱ-ի տասնյակը սեպտեմբերի 18-ի դրությամբ

1. Իսպանիա – 1875.37

2. Ֆրանսիա – 1870.92

3. Արգենտինա – 1870.32

4. Անգլիա – 1820.40

5. Պորտուգալիա – 1779.55

6. Բրազիլիա – 1761.60

7. Նիդերլանդներ – 1754.17

8. Բելգիա – 1739.54

9. Խորվաթիա – 1714.20

10. Իտալիա – 1710.06

41 - Հունգարիա – 1492.18

61- Իռլանդիա – 1397.52

103 - ՀԱՅԱՍՏԱՆ – 1219.55