Հայաստանի թենիսի կանանց հավաքականը պարտվեց Ֆինլանդիային Բիլի Ջին Քինգի գավաթի փլեյ-օֆֆ փուլում

Հայաստանի կանանց թենիսի հավաքականը ավարտեց Բիլի Ջին Քինգի գավաթի (Խումբ III) փլեյ-օֆֆ փուլի հանդիպումը՝ 0:3 հաշվով պարտվելով Ֆինլանդիայի հավաքականին:

Մենախաղերում Ալինա Սողոմոնյանը պարտվեց Լաուրա Հիետարանտեին՝ 1:6, 0:6, իսկ Անի Ամիրյանը չկարողացավ դիմադրել Անաստասիա Կուլիկովային՝ 0:6, 0:6: Զուգախաղում Սողոմոնյան/Կորնեևա զույգը պարտվեց Հիետարանտա/Բլոմքվիստ ֆիննական զույգին՝ 2:6, 2:6:

Հայաստանի հավաքականը հաջորդ հանդիպումը կանցկացնի հունիսի 20-ին՝ Մոլդովայի դեմ:

Հիշեցնենք, որ խմբային փուլում Հայաստանի հավաքականը հանդես է եկել վստահ՝ տանելով երեք հաղթանակ և դուրս գալով փլեյ-օֆֆ փուլ:

Նշենք, որ այս փուլում միայն մեկ հավաքական է ստանում հնարավորություն առաջադիմելու երկրորդ խմբում։