Հայաստանի հոկեյի հավաքականը 24:3 հաշվով ջախջախեց Մալայզիային տնային Աշխարհի առաջնության մեկնարկում

Հայաստանի հոկեյի ազգային հավաքականը փայլուն մեկնարկ ունեցավ Դիվիզիոն IV-ի տնային Աշխարհի առաջնությունում՝ 24:3 հաշվով հաղթելով Մալայզիային։ Այս արդյունքը դարձավ ամենախոշոր հաղթանակը հայկական հավաքականի պատմության մեջ։ Նախորդ ռեկորդը սահմանվել էր 15 տարի առաջ՝ 2010 թվականին, երբ Հայաստանը 15:0 հաշվով հաղթել էր Մոնղոլիային, նույնպես սեփական հարկի տակ։

Մալայզիայի հետ խաղում հայ հոկեյիստները ցուցադրեցին հարձակողական ոճ և գրանցեցին ամենաբազմազան գոլեր։ Հանդիպման հերոսներ դարձան Արտյոմ Կուզնեցովը (6 գոլ) և Տիգրան Մանուկյանը (5 գոլ)։ Գոլերով աչքի ընկան նաև․

• Վալենտին Կովալենկո — 4 գոլ

• Մաքսիմ Կուզնեցով — 3

• Արսեն Համբարձումյան — 2

• Արսեն Ասատրյան — 2

• Էդուարդ Մալաքյան — 1

• Սեյրան Սաղաթելյան — 1

Մալայզիայի հավաքականի կազմում դուբլ գրանցեց Ազրա Ֆարիսը, մեկ գոլ էլ խփեց Մոհամմադ Հարիզը։

Հայաստանի հավաքականը հաջորդ հանդիպումը կանցկացնի արդեն վաղը՝ մրցելով Ուզբեկստանի հավաքականի դեմ, որը այսօր ևս վստահ հաղթանակ տարավ՝ 13:3 հաշվով ջախջախելով Քուվեյթին։

Օրվա մյուս արդյունքները․
Ինդոնեզիա — Իրան 2:1
Ուզբեկստան — Քուվեյթ 13:3