Հայաստանի ֆուտզալի հավաքականը պարտվեց Իսպանիային երկրորդ ընկերական խաղում

Հայաստանի ֆուտզալի հավաքականը անցկացրեց երկրորդ ընկերական հանդիպումը աշխարհի լավագույն թիմերից մեկի՝ Իսպանիայի հավաքականի դեմ և պարտվեց 1:8 հաշվով։

Հայկական հավաքականի կազմում միակ գոլի հեղինակ դարձավ 19-ամյա Արսեն Պետրոսովը, ով աչքի էր ընկել նաև առաջին խաղում, որտեղ իսպանացիները հաղթեցին 6:2 հաշվով։

Վնասվածքի պատճառով երկրորդ խաղին չի մասնակցել հավաքականի առաջատարներից մեկը՝ Նիկիտա Խրոմիխը։

Հիշեցնենք, որ ազգային թիմի պաշտոնական հանդիպումները կկայանան արդեն ԵՎՐՈ-2026-ում, որը տեղի կունենա Լիտվայում, Լատվիայում և Սլովենիայում՝ հունվարի 21-ից փետրվարի 7-ը։ Սեպտեմբերի 24-ին հայտնի կդառնան մրցաշարի վերջին մասնակիցները։